പി എം ശ്രീ യിൽ നിന്ന് പിന്മാറാനാകില്ലെന്ന് മുഖ്യമന്ത്രി വി.ഡി സതീശൻ
പി എം ശ്രി നടപ്പാക്കരുതെന്ന് എ ഐ സി സി ജനറൽ സെക്രട്ടറി ദീപാ ദാസ മുൻഷി ആവശ്യപ്പെട്ടതിന് പിന്നാലെയാണ് മുഖ്യമന്ത്രിയുടെ പ്രതികരണം
NDR news
03 Sep 2026 09:45 PMതിരുവനന്തപുരം: പിഎം ശ്രീയില്നിന്ന് പിന്മാറാനാകില്ലെന്ന് മുഖ്യമന്ത്രി വി ഡി സതീശന്. വിദ്യാഭ്യാസ വകുപ്പിന് കേന്ദ്ര സഹായം കിട്ടില്ലെന്നും സതീശന് വ്യക്തമാക്കി. പിഎം ശ്രീ നടപ്പാക്കരുതെന്ന് എഐസിസി ജനറല് സെക്രട്ടറി ദീപ ദാസ് മുന്ഷി ആവശ്യപ്പെട്ടിരുന്നു. പാര്ട്ടിയില് കൂടിയാലോചനയില്ലെന്ന ദീപ ദാസ് മുന്ഷിയുടെ വിമര്ശനവും മുഖ്യമന്ത്രി തള്ളി. സര്ക്കാരിലുള്ള കെപിസിസി പ്രസിഡന്റ് ഉള്പ്പെടെയുള്ള വരുമായി ആലോചിക്കാറുണ്ടെന്നും മുഖ്യമന്ത്രി വ്യക്തമാക്കി. അതേസമയം, പിഎം ശ്രീ സിപിഎമ്മിന്റെ അടിത്തറ തകര്ത്ത പദ്ധതിയായിരുന്നെന്ന് രാഷ്ട്രീയ കാര്യ സമിതിയില് ജോണ്സണ് എബ്രഹാം പറഞ്ഞു.
ജോണ്സണ് എബ്രഹാമിന്റെ വാദത്തെ ഷാഫി പറമ്പിലും ബെന്നി ബെഹനാനും അജയ് തറയിലും പിന്തുണച്ചു. ബോര്ഡ്, കോര്പ്പറേഷന് നിയമനം 15 നുള്ളില് പൂര്ത്തിയാക്കുമെന്നും മുഖ്യമന്ത്രി വ്യക്തമാക്കി. രാഷ്ട്രീയകാര്യ സമിതി യോഗത്തിലാണ് മുഖ്യമന്ത്രി ഇക്കാര്യം അറിയിച്ചത്. നിയമനത്തിനുള്ള മാര്ഗ രേഖ കെപിസിസി തയ്യാറാക്കുമെന്നും അദ്ദേഹം പറഞ്ഞു.
പിഎംശ്രീ നടപ്പാക്കരുതെന്നും ദീപാദാസ് ആവശ്യപ്പെട്ടിരുന്നു. രാഷ്ട്രീയ കാര്യ സമിതിയിലാണ് ദീപ ദാസ് മുന്ഷിയുടെ അഭിപ്രായ പ്രകടനം.
