ഇ ഡി നൽകിയ കത്തിൽ രാഷ്ട്രീയം കാണേണ്ടതില്ലെന്ന് മുഖ്യമന്ത്രി വി ഡി സതീശൻ

തിരുവനന്തപുരം: സിഎംആർഎൽ–എക്സാലോജിക് സാമ്പത്തിക ഇടപാടുമായി ബന്ധപ്പെട്ട് എൻഫോഴ്‌സ്‌മെന്റ് ഡയറക്ടറേറ്റ് (ഇഡി) നൽകിയ കത്തിൽ രാഷ്‌ട്രീയമില്ലെന്ന് മുഖ്യമന്ത്രി വി.ഡി. സതീശൻ. ഇഡിയുടെ കത്ത് നിയമപരമായി പരിശോധിച്ച ശേഷമായിരിക്കും സർക്കാർ തുടർനടപടികളിലേക്ക് കടക്കുകയെന്നും അദ്ദേഹം വ്യക്തമാക്കി.

.      ഇഡി കത്തിൽ സർക്കാർ ഇതുവരെ തീരുമാനമെടുത്തിട്ടില്ല. കത്തിൽ ഉന്നയിച്ചിരിക്കുന്ന കാര്യങ്ങളുടെ ഗൗരവം പരിശോധിക്കേണ്ടതുണ്ട്. ഇഡിയാണ് കത്തയച്ചത് എന്ന കാരണത്താൽ അത് മടക്കി അയക്കാൻ കഴിയില്ലെന്നും സതീശൻ പറഞ്ഞു. സർക്കാരിന് മുന്നിലുള്ള കാര്യങ്ങൾ നിയമപരമായി പരിശോധിച്ച ശേഷം മാത്രമേ നടപടി സ്വീകരിക്കുകയുള്ളൂവെന്നും അദ്ദേഹം വ്യക്തമാക്കി.

.        അതേസമയം, സിഎംആർഎല്ലിൽ നിന്ന് രമേശ് ചെന്നിത്തല, പി.കെ. കുഞ്ഞാലിക്കുട്ടി തുടങ്ങിയ യുഡിഎഫ് നേതാക്കൾ സംഭാവന വാങ്ങിയതിനെ സതീശൻ ന്യായീകരിച്ചു. രാഷ്‌ട്രീയ പാർട്ടികൾ കമ്പനികളിൽ നിന്നും സ്ഥാപനങ്ങളിൽ നിന്നും സംഭാവന സ്വീകരിക്കാറുണ്ടെന്നാണ് അദ്ദേഹത്തിന്റെ വിശദീകരണം. എന്നാൽ എക്സാലോജിക്കുമായി ബന്ധപ്പെട്ട ഇടപാട് വ്യത്യസ്തമായ കേസാണെന്നും സതീശൻ പറഞ്ഞു