108 ആംബുലൻസ് ജീവനക്കാർ നടത്താനിരുന്ന സമരം പിൻവലിച്ചു

തിരുവനന്തപുരം: സംസ്ഥാനത്തെ 108 ആംബുലൻസ് ജീവനക്കാർക്ക് 4500 രൂപ ബോണസ് നൽകാൻ മന്ത്രി ബിന്ദു കൃഷ്ണയുമായി നടത്തിയ ചർച്ചയിൽ ധാരണയായതിനെത്തുടർന്നാണ് സമരം ഒഴിവായത്. 2025-26 വർഷത്തെ ബോണസ് സംബന്ധിച്ച തർക്കങ്ങളെത്തുടർന്ന് ഈ മാസം 17 മുതൽ അനിശ്ചിതകാല പണിമുടക്ക് നടത്തുമെന്നായിരുന്നു ജീവനക്കാരുടെ യൂണിയൻ അറിയിച്ചിരുന്നത്. എന്നാൽ സമരവുമായി മുന്നോട്ട് പോയാൽ 'എസ്മ' പ്രയോഗിക്കുമെന്ന് സർക്കാർ വ്യക്തമാക്കിയിരുന്നു. തുടർന്ന് മന്ത്രിയുമായി നടത്തിയ നീണ്ട ചർച്ചയ്ക്ക് ഒടുവിൽ പ്രശ്നം സമാധാനപരമായി പരിഹരിക്കപ്പെടുകയായിരുന്നു.

.     കേരള മെഡിക്കൽ സർവീസ് കോർപ്പറേഷന് കീഴിൽ കരാർ അടിസ്ഥാനത്തിൽ പ്രവർത്തിക്കുന്ന ഇഎംആർഐ ഗ്രീൻ ഹെൽത്ത് സർവീസിന്റെ നിയന്ത്രണത്തിൽ പ്രവർത്തിക്കുന്ന മുഴുവൻ 108 ആംബുലൻസ് ജീവനക്കാർക്കും ബോണസ് ലഭിക്കുന്നതാണന്ന് മന്ത്രി പറഞ്ഞു