വന്യജീവി ആക്രമണത്തിൽ പരിക്കേറ്റ മുഹമ്മദ് സിനാനെ ഷാഫി പറമ്പിലും കെഎം അഭിജിത്തും സന്ദർശിച്ചു

വടകര: പുലിയുടെ ആക്രമണത്തിനിരയായ കുമ്മങ്കോട് സ്വദേശി മുഹമ്മദ് സിനാനെ വടകര എം.പി. ഷാഫി പറമ്പിലും നാദാപുരം എം എൽ എ കെ.എം. അഭിജിത്തും വടകര ആശുപത്രിയിലെത്തി സന്ദർശിച്ചു.സിനാന്റെ ആരോഗ്യനിലയും ചികിത്സാ പുരോഗതിയും ഇരുവരും നേരിട്ട് വിലയിരുത്തി.

.     വനം -വന്യജീവി വകുപ്പ് മന്ത്രി ഷിബു ബേബി ജോണുമായി ഷാഫി പറമ്പിൽ നേരിട്ട് വീഡിയോ കോളിലൂടെ സംസാരിക്കുകയും അടിയന്തര നടപടികൾ സ്വീകരിക്കാൻ ആവശ്യപ്പെടുകയും ചെയ്തു. ഇതിന്റെ ഫലമായി മുഹമ്മദ് സിനാന്റെ ചികിത്സാ ചെലവ് പൂർണമായും സർക്കാർ ഏറ്റെടുക്കുമെന്ന് ബഹുമാനപ്പെട്ട മന്ത്രി കുടുംബത്തിന് ഉറപ്പ് നൽകി.