ക്ഷേമ പെൻഷൻ ഇന്ന് മുതൽ വിതരണം ചെയ്യും

തിരുവനന്തപുരം: സംസ്ഥാന സർക്കാരിന്റെ സെപ്തംബർ മാസത്തെ ക്ഷേമപെൻഷൻ വിതരണം ഇന്ന് മുതൽ നടക്കും. ഇതിനായി ധനവകുപ്പ് 1068 കോടി രൂപ അനുവദിച്ചു.

.    സാമൂഹിക ക്ഷേമ പെൻഷൻ വിതരണത്തിനായി 957.93 കോടി രൂപയും, വിവിധ ക്ഷേമനിധി ബോർഡുകൾ വഴിയുള്ള പെൻഷൻ വിതരണത്തിനായി 110 കോടി രൂപയുമാണ് തുക വകയിരുത്തിയിരിക്കുന്നത്. അതത് മാസത്തെ പെൻഷൻ വിതരണം മുടങ്ങാതെ കൃത്യമായി ആ മാസങ്ങളിൽ തന്നെ ഗുണഭോക്താക്കളിലേക്ക് എത്തിക്കുക എന്ന നയത്തിന്റെ ഭാഗമായാണ് നടപടിയെന്ന് ധനവകുപ്പ് വ്യക്തമാക്കുന്നു.

.     ഇന്ന് മുതൽ തന്നെ ആളുകളുടെ ബാങ്ക് അക്കൗണ്ടുകളിലേക്കും നേരിട്ടും പെൻഷൻ തുക വിതരണം ചെയ്തു തുടങ്ങുമെന്ന് ധനകാര്യ മന്ത്രിയുടെ ഓഫീസ് അറിയിച്ചു.