കെഎസ്ആർടിസി ബസ് സ്പോൺസർ ചെയ്ത ആദ്യ എംഎൽഎ അഡ്വ. പ്രവീൺകുമാർ

കോഴിക്കോട്: കെ.എസ്.ആർ.ടി.സി. ബസ് വാങ്ങാൻ എം.എൽ.എ. ഫണ്ടിൽ നിന്ന് 40 ലക്ഷം രൂപ കൈമാറി കൊയിലാണ്ടി: കെ.എസ്.ആർ.ടി.സി. ബസ് വാങ്ങുന്ന തിനായി എം.എൽ.എ. ഫണ്ടിൽ നിന്ന് 40 ലക്ഷം രൂപ അനുവദിക്കുന്നതിനുള്ള പ്രൊപ്പോസൽ കോഴിക്കോട് ജില്ലാ കളക്ടർക്ക് കൈമാറി. കൊയിലാണ്ടി എം.എൽ.എ. അഡ്വ. കെ. പ്രവീൺ കുമാറാണ് തുക അനുവദിക്കുന്നതിനുള്ള പ്രൊപ്പോസൽ ജില്ലാ കളക്ടർ എം.എസ്. മാധവിക്കുട്ടിക്ക് കൈമാറിയത്.

.      കളക്ടറുടെ ചേംബറിൽ നടന്ന ചടങ്ങിലാണ് ബസ് വാങ്ങുന്നതിനുള്ള 40 ലക്ഷം രൂപയുടെ പ്രൊപ്പോസൽ കൈമാറിയത്. എം.എൽ.എ. ഫണ്ട് ഉപയോഗിച്ച് കെ.എസ്.ആർ.ടി.സി. ബസ് വാങ്ങുന്നതിനായി തുക നീക്കിവെക്കുന്ന ആദ്യ എം.എൽ.എ.യാണ് കെ. പ്രവീൺ കുമാറെന്ന് ബന്ധപ്പെട്ടവർ അറിയിച്ചു.

.    പുതിയ ബസിന്റെ റൂട്ട് ജനപ്രതിനിധികളുമായി ആലോചിച്ച ശേഷം തീരുമാനിക്കുമെന്ന് എം.എൽ.എ. അറിയിച്ചു. ചടങ്ങിൽ കൊയിലാണ്ടി നഗരസഭ ചെയർപേഴ്സൺ യു.കെ. ചന്ദ്രൻ, ജനപ്രതിനിധികൾ, ഉദ്യോഗസ്ഥർ, രാഷ്ട്രീയ-സാമൂഹിക പ്രവർത്തകർ തുടങ്ങിയവർ പങ്കെടുത്തു.