വ്യാജരേഖ ചമക്കൽ മേയർ വിവി രാജേഷ് ഒന്നാം പ്രതി
കാപ്പ കേസിൽ ജയിലിൽ കഴിഞ്ഞിരുന്ന കൗൺസിലർ ആർ സുഗതിനുവേണ്ടി വ്യാജ ഒപ്പിട്ടെന്ന പരാതിയിൽ രാജേഷും സുഗതനും ഒന്നും രണ്ടും പ്രതികൾ
NDR news
08 Oct 2026 03:49 PMതിരുവനന്തപുരം: കാപ്പാ കേസില്‍ ജയിലില്‍ കഴിഞ്ഞിരുന്ന ബിജെപി കൗണ്‍സിലര്‍ ആര്‍ സുഗതന്റെ പേരില്‍ വ്യാജ ഒപ്പിട്ടെന്ന പരാതിയില്‍ കേസെടുത്തു. മേയര്‍ വി വി രാജേഷാണ് കേസിലെ ഒന്നാം പ്രതി. സുഗതന്‍ രണ്ടാം പ്രതിയും കോര്‍പ്പറേഷന്‍ സെക്രട്ടറി മൂന്നാം പ്രതിയുമാണ്.
. തിരുവനന്തപുരം മ്യൂസിയം പോലിസാണ് എഫ്ഐആര്‍ രജിസ്റ്റര്‍ ചെയ്തത്. വ്യാജരേഖ ചമയ്ക്കല്‍, ക്രിമിനല്‍ ഗൂഢാലോചന എന്നീ കുറ്റങ്ങള്‍ ചുമത്തിയാണ് കേസ്. മേയര്‍ ഉള്‍പ്പെടെയുള്ളവരെ വൈകാതെ ചോദ്യം ചെയ്യും. സുഗതന്റെ ഒപ്പ് വി വി രാജേഷും സെക്രട്ടറിയും ചേര്‍ന്ന് വ്യാജമായി രേഖപ്പെടുത്തിയെന്നാണ് എഫ്ഐആര്‍.
. കോര്‍പ്പറേഷന്‍ ഭരണം നിലനിര്‍ത്തുന്നതിനായി പ്രതികള്‍ ഗൂഢാലോചന നടത്തി വ്യാജ ഒപ്പിട്ടു. ഫെബ്രുവരി 26, മാര്‍ച്ച് 11, ഏപ്രില്‍ 27 എന്നീ ദിവസങ്ങളിലെ കൗണ്‍സില്‍ യോഗങ്ങളിലാണ് വ്യാജ ഒപ്പിട്ടതെന്നും എഫ്‌ഐആറില്‍ പറയുന്നു.
