എം.സി. മായിൻ ഹാജി സംസ്ഥാന വഖഫ് ബോർഡ് ചെയർമാൻ

​തിരുവനന്തപുരം: മുസ്ലിം ലീഗ് സംസ്ഥാന വൈസ് പ്രസിഡന്റും വഖഫ് ബോർഡിൽ മുൻപ് ദീർഘകാലം അംഗവുമായിരുന്ന എം.സി. മായിൻ ഹാജിയെ പുതിയ ചെയർമായി നിയമിച്ച് സംസ്ഥാന വഖഫ് ബോർഡ് സർക്കാർ പുനസംഘടിപ്പിച്ചു. കെ.എസ്. ഹംസയുടെ നേതൃത്വത്തിലുള്ള സമിതിയെ പിരിച്ചുവിട്ടാണ് സംസ്ഥാന വഖഫ് ബോർഡ് പുനഃസംഘടിപ്പിച്ചത്.

​.       ആകെ ഒമ്പത് അംഗങ്ങളുള്ള പുതിയ സമിതിയാണ് നിലവിൽ നിലവിൽ വന്നിട്ടുള്ളത്. മുൻ ചെയർമാൻ നൽകിയ ഹർജി ഹൈക്കോടതിയുടെ പരിഗണന യിലിരിക്കെയാണ് ഈ പുനഃസംഘടന. വഖഫ് ബോർഡ് പുനഃഘടനയിലെ പ്രശ്നങ്ങൾ പരിഹരിക്കണമെന്ന ഹൈക്കോടതി ഉത്തരവും നിലവിലുള്ള ബോർഡിന് നയപരമായ തീരുമാനങ്ങൾ എടുക്കുന്നതി മേലുണ്ടായിരുന്ന വിലക്കും കണക്കിലെടുത്താണ് സർക്കാർ ഈ നടപടി സ്വീകരിച്ചത്.

​.    പുതിയ ബോർഡിലെ മറ്റ് അംഗങ്ങൾ:കുറുക്കോളി മൊയ്തീൻ (എം.എൽ.എമാരുടെ പ്രതിനിധി)എം.പി. മുസ്തഫൽ ഫൈസിതൊടിയൂർ മുഹമ്മദ് കുഞ്ഞ് മൗലവി (ദക്ഷിണ കേരള ജംഇയ്യത്തുൽ ഉലമ ജനറൽ സെക്രട്ടറി)സിറാസ് ഡി കപസി (ബോറ വിഭാഗം പ്രതിനിധി)സജ്‌ന ഫിറോസ്,ജസീം സബാഹ്,ഡോ. അബ്ദുൽ മജീദ് സ്വലാഹി (മുജാഹിദ് വിഭാഗം നേതാവ്)സലാഹി മദീന ബീഗം / മദീന ബീഗം(തദ്ദേശ വകുപ്പിൽ നിന്നുള്ള ഗ്രാമപഞ്ചായത്തിന്റെയും ബ്ലോക്ക് പഞ്ചായത്തിന്റെയും പ്രതിനിധികളെയും ഉള്‍പ്പെടുത്തിയാണ് ഈ ഒമ്പത് അംഗ സമിതി രൂപീകരിച്ചിരിക്കുന്നത്).

​.    സുപ്രീം കോടതിയിലും ഹൈക്കോടതിയിലും കേസ് നിലനിൽക്കുന്നതിനാൽ ബോർഡിൽ അമുസ്‌ലിം അംഗങ്ങളെ നിലവിൽ നാമനിർദേശം ചെയ്തിട്ടില്ല. സുപ്രീം കോടതിയിലെ അന്തിമ വിധിക്ക് ശേഷം അമുസ്‌ലിം അംഗങ്ങളെ നിയമിക്കുന്ന കാര്യത്തിൽ തീരുമാനമെടുക്കും.വിവിധ പ്രമുഖ മതസംഘടനകൾക്ക് പ്രാതിനിധ്യം നൽകിയാണ് പുതിയ സമിതി രൂപീകരിച്ചിട്ടുള്ളത്.