സർക്കാരിന്റെ ഉറപ്പിനെ തുടർന്ന് കാന്തപുരം വിഭാഗത്തിന്റെ പ്രതിഷേധ മാർച്ച് മാറ്റിവെച്ചു

കോഴിക്കോട്:വഖഫ് ബോർഡുമായി ബന്ധപ്പെട്ട വിഷയത്തിൽ സർക്കാർ നൽകിയ ഉറപ്പിന്റെ അടിസ്ഥാനത്തിൽ കാന്തപുരം വിഭാഗം നടത്താനിരുന്ന പ്രതിഷേധ മാർച്ച് തൽക്കാലത്തേക്ക് മാറ്റിവെച്ചു. സർക്കാരിന്റെ പ്രതിനിധികളും മന്ത്രിയും കാന്തപുരം ഉസ്താദുമായി നടത്തിയ ചർച്ചയുടെ ഫലമായി സമവായത്തിൽ എത്തിയതിനെത്തു ടർന്നാണ് ഈ നിർണ്ണായക തീരുമാനം.

.    ഈ മാസം 22-ാം തീയതി നടത്താനിരുന്ന പ്രതിഷേധ മാർച്ചാണ് ഇപ്പോൾ മാറ്റിവെക്കാൻ തീരുമാനിച്ചിരിക്കു ന്നത്.വഖഫ് ബോർഡുമായി ബന്ധപ്പെട്ട കാര്യങ്ങളിൽ ആവശ്യമായ പരിഹാരങ്ങൾ കാണാമെന്ന് സർക്കാർ ഉറപ്പുനൽകിയതായി റിപ്പോർട്ടുകൾ വ്യക്തമാക്കുന്നു.​കമ്മിറ്റിയിലെ അംഗത്വവും പ്രാതിനിധ്യവും സംബന്ധിച്ച പരാതികൾ ചർച്ച ചെയ്തതായും, തുടർനടപടികളിലൂടെ ഇതിന് പരിഹാരം കാണാമെന്നും അധികൃതർ വ്യക്തമാക്കുന്നു.