ക്ഷേമ പെൻഷൻ വിതരണം ഒക്ടോബർ 26 മുതൽ ആരംഭിക്കും
ഒക്ടോബർ മാസത്തെ ക്ഷേമ പെൻഷൻ വിതരണം 26 മുതൽ ആരംഭിക്കുന്നതിനായി 1081 കോടി രൂപ സർക്കാർ അനുവദിച്ചു.
NDR news
25 Oct 2026 11:13 AMതിരുവനന്തപുരം: ഒക്ടോബർ മാസത്തെ സംസ്ഥാനത്തെ ക്ഷേമ പെൻഷൻ വിതരണം ഒക്ടോബർ 26 തിങ്കളാഴ്ച മുതൽ ആരംഭിക്കും. പെൻഷൻ വിതരണത്തിനായി സംസ്ഥാന സർക്കാർ 1,081 കോടി രൂപ അനുവദിച്ചു.
. ആകെ അനുവദിച്ച തുകയിൽ 961.64 കോടി രൂപ സാമൂഹിക സുരക്ഷാ ക്ഷേമ പെൻഷനുകൾക്കായാണ് നീക്കിവച്ചിരിക്കുന്നത്. ക്ഷേമനിധി ബോർഡുകൾ വഴിയുള്ള പെൻഷൻ വിതരണത്തിനായി 119.47 കോടി രൂപയും അനുവദിച്ചിട്ടുണ്ട്.
. സംസ്ഥാനത്തെ 58 ലക്ഷത്തിലധികം വരുന്ന ആളുകൾക്ക് ഇതിന്റെ പ്രയോജനം ലഭിക്കും. സാമൂഹ്യ സുരക്ഷാ പെൻഷൻ ലിസ്റ്റിലുള്ള 52,09,617 പേരും 16 ക്ഷേമനിധി ബോർഡുകളിലെ 6,05,415 പേരും ഇതിൽ ഉൾപ്പെടുന്നു
