കർണാടക എംഎൽസി തിരഞ്ഞെടുപ്പിൽ കോൺഗ്രസിന് വൻ തിരിച്ചടി

ബെംഗളൂരു: കർണാടക എം.എൽ.സി. തിരഞ്ഞെടുപ്പിൽ ഭരണകക്ഷിയായ കോൺഗ്രസിന് വൻ തിരിച്ചടി. തിരഞ്ഞെടുപ്പുനടന്ന നാലുസീറ്റുകളിലും എൻ.ഡി.എ. സഖ്യം വിജയിച്ചു. മൂന്ന് സീറ്റുകളിൽ ബിജെപിയും ഒരിടത്ത് ജെഡിഎസും ആണ് വിജയിച്ചത്. കോൺഗ്രസിന് സിറ്റിങ് സീറ്റടക്കം നഷ്ടമായി.

.    ബെംഗളൂരു ടീച്ചേഴ്സ് മണ്ഡലത്തിൽ അഞ്ചുതവണ എം.എൽ.സി.യായ പാർട്ടിയുടെ പ്രമുഖ നേതാവ് പുട്ടണ്ണയെ 908 വോട്ടിന്റെ ഭൂരിപക്ഷത്തിൽ പരാജയപ്പെടുത്തി ജെ.ഡി.എസിലെ എ.പി. രംഗനാഥ് വിജയിച്ചു.

.      വെസ്റ്റ് ഗ്രാജ്വേറ്റ് മണ്ഡലത്തിൽ ബി.ജെ.പി.യുടെ എസ്.വി. ശങ്കന്നൂർ വിജയിച്ചു. കോൺഗ്രസിലെ മോഹൻ ലിംബികായിയെ 4277 വോട്ടിനാണ് പരാജയപ്പെടുത്തിയത്. നോർത്ത്-ഈസ്റ്റ് ടീച്ചേഴ്‌സ് മണ്ഡലത്തിൽ ബി.ജെ.പി.യുടെ ശശിൽ ജി. നമോഷി വിജയിച്ചു.കോൺഗ്രസ് സ്ഥാനാർഥി ശരണപ്പ മറ്റൂറിനെയാണ് പരാജയപ്പെടുത്തിയത്. സൗത്ത് ഈസ്റ്റ് ഗ്രാജ്വേറ്റ് മണ്ഡലത്തിൽ ബി.ജെ.പി.യിലെ കെ.എം. സുരേഷ് മുന്നിട്ടുനിൽക്കുകയാണ്. കോൺഗ്രസിലെ ശശി ഹുലികുണ്ടേമഠാണ് എതിർ സ്ഥാനാർഥി.