തെരുവുനായ പ്രശ്നം പരിഹരിക്കേണ്ടത് തദ്ദേശ സ്ഥാപനങ്ങൾ

തിരുവനന്തപുരം:തെരുവുനായപ്രശ്നപരിഹാരത്തിനു സർക്കാർ സമഗ്ര മാർഗരേഖ തയാറാക്കിയെന്നും അതുപ്രകാരം തെരുവുനായ ആക്രമ ണത്തിനു പരിഹാരം കാണലും നിയന്ത്രണവും അടക്കമുള്ള പൂർണ ഉത്തരവാദിത്വം തദ്ദേശ സ്ഥാപനങ്ങൾക്കായിരി ക്കുമെന്നും മന്ത്രി കെ.എം. ഷാജി നിയമസഭയിൽ പറഞ്ഞു. 

      തെരുവുനായ പ്രശ്നപരിഹാരം തദ്ദേശസ്ഥാപനങ്ങളുടെ പൂർണ ഉത്തരവാദിത്വമായി മാറുന്നതോടെ പ്രശ്നത്തിനു ശാശ്വത പരിഹാരം കാണാൻ കഴിയും.

.    സുപ്രീംകോടതി ഉത്തരവി ൻ്റെ അടിസ്ഥാനത്തിൽ 80 ശതമാനത്തിലേറെ തദ്ദേശ സ്ഥാപനങ്ങളിൽ പ്രാദേശിക തല മേൽനോട്ട സമിതികൾ രൂപവത്കരിച്ചു. സംസ്ഥാനതലത്തിൽ ഉന്നതതല മേൽനോട്ട സമിതിയും രൂപവത്കരിച്ചു. മാർഗരേഖ ഉൾപ്പെടുത്തിയുള്ള കൈപ്പുസ്‌തകം ഉടൻ പ്രസിദ്ധീകരിക്കും. തെരുവുനായ നിയന്ത്രണം കൂടുതൽ ഫലപ്രദമായി നടപ്പാക്കാൻ ഡോഗ് ബ്രീഡിംഗ് റൂൾസ്, പെറ്റ് ഡോഗ് ലൈസൻസിംഗ് റൂൾസ് എന്നിവ തയാറാക്കുന്ന നടപടി പുരോഗമിക്കുന്നു. എബിസി പ്രവർത്തനം ഊർജിതമാക്കാനും എല്ലാ തദ്ദേശ സ്ഥാപനങ്ങൾക്കും നിർദേശം നൽകിയിട്ടുണ്ട്. സു പ്രീംകോടതി വിധിയുടെ അടിസ്ഥാനത്തിൽ ദയാവധം ഉൾപ്പടെയുള്ള നടപടി സ്വീകരിക്കാൻ തദ്ദേശ സ്ഥാപനങ്ങൾക്ക് അനുമതി നൽകി സർക്കാർ ഉത്തരവിറക്കിയിട്ടുണ്ട ന്നും കെ. ജയന്തിന്റെ സബ്‌മിഷന് മന്ത്രി മറുപടി നൽകി.