ബാർ ലൈസൻസ് പുതുക്കലിൽ ഭരണ-പ്രതിപക്ഷ തർക്കം

​തിരുവനന്തപുരം: എക്സൈസ് മന്ത്രിയുടെ നേരിട്ടുള്ള അറിവോ സമ്മതമോ ഇല്ലാതെ ബാർ ലൈസൻസുകൾ പുതുക്കി നൽകാൻ ഡെപ്യൂട്ടി കമ്മീഷണർമാർക്ക് അധികാരം നൽകിയ നടപടിയെച്ചൊല്ലി സംസ്ഥാനത്ത് ഭരണ-പ്രതിപക്ഷ തർക്കം കടുക്കുന്നു. വിഷയത്തിൽ വിശദീകരണവുമായി മുഖ്യമന്ത്രിയും മുൻ എക്സൈസ് മന്ത്രി എം.ബി. രാജേഷും രംഗത്തെത്തി.

.    ​എൽ.ഡി.എഫ്. സർക്കാരിന്റെ നിലവിലെ മദ്യനയ പ്രകാരമാണ് ലൈസൻസുകൾ പുതുക്കി നൽകിയതെന്ന് മുഖ്യമന്ത്രി വ്യക്തമാക്കി. ഡെപ്യൂട്ടി കമ്മീഷണർമാർക്ക് ലൈസൻസ് പുതുക്കാൻ അധികാരം നൽകുന്നത് ദീർഘകാലമായി തുടരുന്ന രീതിയാണെന്നും ഇത് എൽ.ഡി.എഫ്. സർക്കാർ പുതുതായി കൊണ്ടുവന്നതല്ലെന്നും മുൻ എക്സൈസ് മന്ത്രി എം.ബി. രാജേഷ് കൂട്ടിച്ചേർത്തു.

.     ​ ഉമ്മൻചാണ്ടി സർക്കാരിന്റെ കാലത്ത് റദ്ദാക്കിയ പല വ്യവസ്ഥകളും 2017-ൽ എൽ.ഡി.എഫ്. സർക്കാർ പുനഃസ്ഥാപിച്ചിരുന്നു. അതേസമയം എയർപോർട്ടുകളിലെ ബാറുകൾക്ക് അനുമതി നൽകാനുള്ള അധികാരം കമ്മീഷണർക്ക് നൽകിയത് മുൻ യു.ഡി.എഫ്. സർക്കാരായിരുന്നുവെന്നും ഭരണപക്ഷം ചൂണ്ടിക്കാട്ടുന്നു.

​       മദ്യനയത്തിന് വിരുദ്ധമായി പ്രവർത്തിക്കരുതെന്ന് ഓഗസ്റ്റിൽ എം.ബി. രാജേഷ് നിർദ്ദേശം നൽകിയിരു ന്നെങ്കിലും ഉദ്യോഗസ്ഥർ നടപടികളുമായി മുന്നോട്ട് പോയതാണ് വിഷയം സങ്കീർണ്ണമാക്കിയത്. പുതിയ മദ്യനയ പ്രഖ്യാപനം വരുന്നത് വരെ വിഷയത്തിലെ രാഷ്ട്രീയ തർക്കങ്ങൾ തുടരാനാണ് സാധ്യത.