എൽ പി എസ് ടി സമരം സർക്കാർ പുതിയ ഫോർമുലയുമായി
സർക്കാർ സ്കൂളുകളിൽ അധ്യാപക വിദ്യാർത്ഥി അനുപാതം 1:25 ആക്കി മാറ്റാനും ഹെഡ്മാസ്റ്റർമാരെ ക്ലാസ് ചുമതലയിൽ നിന്ന് ഒഴിവാക്കാനുമാണ് നിർദ്ദേശങ്ങൾ
തിരുവനന്തപുരം: എല്പിഎസ്ടി സമരം അവസാനിപ്പിക്കാന് ഫോര്മുല തയ്യാര്. ഡിവിഷൻ ഫാൾ മൂലം തസ്തിക നഷ്ടപ്പെടുന്ന സര്ക്കാര് സ്കൂളുകളില് അനുപാതം 1:25 ആക്കാമെന്നാണ് വിദ്യാഭ്യാസ വകുപ്പിന്റെ നിലപാട്. പ്രധാനാധ്യാപകരെ ക്ലാസ് ചാര്ജില് നിന്ന് ഒഴിവാക്കി പുതിയ തസ്തിക കൊണ്ടുവരാനും സമ്മതിച്ചിട്ടുണ്ട്. മുഖ്യമന്ത്രി ഈ ഫോര്മുല അംഗീകരിച്ചാല് സമരക്കാരുമായി ചര്ച്ച നടത്തും.
. ഇളവ് എല്ലാ സര്ക്കാര് സ്കൂളുകള്ക്കും ബാധകമല്ല. എയ്ഡഡ് സ്ഥാപനങ്ങള്ക്കും നിലവില് അനുപാതം കുറയ്ക്കുന്നത് പരിഗണനയില്ല. നിലവില് എല്ലാ സ്കൂളുകളിലും അധ്യാപക വിദ്യാര്ത്ഥി അനുപാതം 1:30 ആണ്. 150 കുട്ടികള് കുറയാത്ത സര്ക്കാര് സ്കൂളുകളിലാകും ഹെഡ്മാസ്റ്റര്മ്മാരെ ക്ലാസ് ചുമതലയില് നിന്ന് ഒഴിവാക്കുക. ഇതു വഴി 50 കോടിക്ക് അടുത്ത് അധിക ബാധ്യത സര്ക്കാരിന് ഉണ്ടാകുമെന്നാണ് വിലയിരുത്തൽ
. സര്ക്കാര് തീരുമാനം സമരസമിതിയെ വായിച്ച് കേള്പ്പിക്കും. സാമ്പത്തിക ബാധ്യത അംഗീകരിക്കേണ്ടത് ധനവകുപ്പും മുഖ്യമന്ത്രിയുമെന്ന നിലപാടിലാണ് വിദ്യാഭ്യാസ വകുപ്പ്. ഇതുമായി ബന്ധപ്പെട്ട പ്രൊപ്പോസല് നേരത്തെ ധനവകുപ്പിന് കൈമാറിയിരുന്നു. എന്നാല് എല്ലാ സര്ക്കാര് സ്കൂളുകളിലും അനുപാതം കുറയ്ക്കണമെന്ന് സമരസമിതി ആവശ്യപ്പെടാനും സാധ്യതയുണ്ട്.

