ഇറാനിൽ നിന്ന് 1,600 ഇന്ത്യക്കാർ മടങ്ങിയെത്തി; ഖത്തർ എയർവേയ്‌സിന്റെ അഞ്ച് വിമാനങ്ങൾ കൊച്ചിയിലുൾപ്പെടെ ഇറങ്ങി

  ന്യൂഡൽഹി: ഇറാൻ-ഇസ്രയേൽ വ്യോമാക്രമണങ്ങളെത്തുടർന്ന് പശ്ചിമേഷ്യയിൽ യുദ്ധഭീതി നിലനിൽക്കെ, ഇറാനിൽ കുടുങ്ങിക്കിടന്ന 1,600-ഓളം ഇന്ത്യൻ പൗരന്മാർ സുരക്ഷിതമായി തിരിച്ചെത്തി. ഖത്തർ എയർവേയ്‌സിന്റെ അഞ്ച് പ്രത്യേക വിമാനങ്ങളിലായാണ് ഇവരെ ഇന്ത്യയിലെത്തിച്ചത്.

  വ്യോമപാതകൾക്ക് നിയന്ത്രണം ഏർപ്പെടുത്തിയ പശ്ചാത്തലത്തിലും അതീവ ജാഗ്രതയോടെയാണ് ദൗത്യം പൂർത്തിയാക്കിയത്. തിരിച്ചെത്തിയവരിൽ ഭൂരിഭാഗവും വിദ്യാർത്ഥികളും തൊഴിലാളികളു മാണ്. കൊച്ചി, ഡൽഹി, മുംബൈ തുടങ്ങിയ വിമാനത്താവളങ്ങളി ലായാണ് വിമാനങ്ങൾ ഇറങ്ങിയത്.

   ഇറാൻ വ്യോമപാത ഭാഗികമായി അടച്ചതിനെത്തുടർന്ന് ഖത്തർ വഴിയാണ് ഇവരെ നാട്ടിലെത്തി ക്കാനുള്ള ക്രമീകരണങ്ങൾ വിദേശകാര്യ മന്ത്രാലയം ഒരുക്കിയത്. ഇറാനിലുള്ള ബാക്കിയുള്ള ഇന്ത്യക്കാരുടെ സുരക്ഷ ഉറപ്പാക്കാൻ ഇന്ത്യൻ എംബസി നിരന്തരം ബന്ധപ്പെട്ടു വരികയാണ്. അത്യാവശ്യ ഘട്ടങ്ങളിലല്ലാതെ യാത്രകൾ ഒഴിവാക്കണമെന്ന് നേരത്തെ തന്നെ കേന്ദ്ര സർക്കാർ നിർദ്ദേശം നൽകിയിരുന്നു. വരും ദിവസങ്ങളിൽ കൂടുതൽ പേരെ തിരിച്ചെത്തിക്കാനുള്ള നടപടികൾ തുടരുകയാണ്.