ബംഗാൾ സ്വദേശിയായ വ്യാജഡോക്ടർ പൊലീസ് കസ്റ്റഡിയിൽ

പെരുമ്പാവൂർ: അതിഥി തൊഴിലാളിയായ വ്യാജ ഡോക്ടർ പോലീസ് പിടിയിൽ. വെസ്റ്റ് ബംഗാൾ മുർഷിദാബാദ് സ്വദേശി സബീർ ഉൽ ഇസ്ലാം (34) ആണ് പെരുമ്പാവൂർ പൊലീസിന്റെ പിടിയിലായത്.

     മാറമ്പിള്ളി പള്ളിപ്പുറം കോളനിയിലെ ഒരു മുറിയിലാണ് ഇയാളുടെ ചികിത്സയും താമസവും. നിരവധി തൊഴിലാളികളാണ് ഇവിടെ ചികിത്സ തേടിഎത്തിയിരുന്നത്. ഇഞ്ചക്ഷൻ, ഡ്രിപ്സ് എന്നിവയും ഇയാൾ നൽകിയിരുന്നു.

      ചികിത്സ തേടിയെത്തിയ ആസാം സ്വദേശികളിൽ നിന്നും 1000 രൂപ ഫീസ് വാങ്ങിയശേഷം ഇഞ്ചക്ഷനും, ഡ്രിപ്സും കൊടുത്തിരുന്നു. ഇതേ തുടർന്ന് യുവതി ബോധരഹിതയാവുകയായിരുന്നു. ജില്ലാ പോലീസ് മേധാവി കെ. കാർത്തിക്കിന് ലഭിച്ച രഹസ്യവിവരത്തെ തുടർന്ന് നടത്തിയ പരിശോധനയിലാണ് ഇയാളെ അറസ്റ്റ് ചെയ്തത്.

    സ്തെതസ്കോപ്, ബി പി അപ്പാരറ്റസ്, ഗുളികകൾ, സിറിഞ്ച്, എന്നിവ ഇയാളിൽ നിന്ന് കണ്ടെടുത്തു. ഇൻസ്പെക്ടർ രഞ്ജിത്ത്, എസ് ഐ മാരായ റിൻസ് എം. തോമസ്, ബെർട്ടിൻ തോമസ്, എസ് ഐ ബിജു, എസ് സി പി ഓ സലീം, ബാബു കുര്യാക്കോസ് എന്നിവരായിരുന്നു അന്വേഷണ സംഘത്തിൽ ഉണ്ടായിരുന്നത്.