മുല്ലപ്പെരിയാർ അണക്കെട്ടിൻ്റെ ഒരു ഷട്ടർ അടച്ചു
389 ഘനയടി വെള്ളമാണ്‌ നിലവിൽ ഇടുക്കി അണക്കെട്ടിലേക്ക്‌ ഒഴുക്കുന്നത്
NDR News
21 Nov 2021 07:56 AMഇടുക്കി: കനത്ത മഴയിൽ തുറന്ന മുല്ലപ്പെരിയാർ അണക്കെട്ടിൻ്റെ ഒരു സ്‌പില്‍വെ ഷട്ടര്‍ തമിഴ്‌നാട്‌ അടച്ചു.
നിലവില്‍ ഒരു ഷട്ടറാണ് തുറന്നിട്ടുള്ളത്. ഇതിലൂടെ 389 ഘനയടി വെള്ളമാണ്‌ ഇടുക്കി അണക്കെട്ടിലേക്ക്‌ ഒഴുക്കുന്നത്. ജലനിരപ്പ്‌ 141.05 അടിയായി തുടരുന്നുണ്ട്.
ഇടുക്കി അണക്കെട്ടിന്റെ ഷട്ടറും അടച്ചു. അണക്കെട്ടിലെക്ക് ഒഴുകിയെത്തിയ വന്‍ മരം ഷട്ടറുകളുടെ ഭാഗത്തേക്ക്‌ എത്തിയതോടെയാണ്‌ ചെറുതോണി ഡാമിന്റെ ഷട്ടര്‍ അടച്ചത്‌. ഇതോടെ വീണ്ടും ജലനിരപ്പ്‌ ഉയര്‍ന്നിട്ടുണ്ട്. നിലവില്‍ 2400.06 അടിയാണ്‌ അണക്കെട്ടിലെ ജലനിരപ്പ്‌.
