രാജ്യത്ത് ഒമിക്രോൺ കേസുകൾ കൂടുന്നു

മുംബൈ: രാജ്യത്ത് ഒമിക്രോൺ കേസുകൾ വർധിക്കുന്നു. കഴിഞ്ഞ ദിവസം മഹാരാഷ്ട്രയിൽ മാത്രം എട്ട് പേർക്കാണ് ഓമിക്രോൺ സ്ഥിരീകരിച്ചത്.

മുംബൈയിൽ നിന്നുള്ള ഏഴ് പേർക്കും വസായ് വിരാറിൽ നിന്നുള്ള ഒരാൾക്കുമാണ് രോഗബാധ സ്ഥിരീകരിച്ചത്. ഇതോടെ മഹാരാഷ്ട്രയിൽ ഓമിക്രോൺ ബാധിച്ചവരുടെ ആകെ എണ്ണം 28 ആയി.

     എന്നാൽ രാജ്യത്ത് ബൂസ്റ്റർ ഡോസ് ഉടൻ വിതരണം ചെയ്യില്ലെന്ന് കേന്ദ്ര സർക്കാർ കഴിഞ്ഞ ദിവസം വ്യക്തമാക്കിയിരുന്നു. രാജ്യത്തെ മുഴുവൻ പേർക്കും രണ്ടു ഡോസ് വാക്സീൻ നൽകുന്നതിനാണ് ഇപ്പോൾ മുൻഗണനയെന്നും കേന്ദ്രസർക്കാർ ഡൽഹി ഹൈക്കോടതിയിലാണ് വ്യക്തമാക്കിയത്. രാജ്യത്ത് ഇപ്പോഴുള്ള രണ്ടു വിദഗ്ധ സമിതികളും മൂന്നാം ഡോസ് നൽകണമെന്ന് നിർദേശിച്ചിട്ടില്ലെന്നും സർക്കാർ കോടതിയെ അറിയിച്ചു.