പി. ജി. ഡോക്ടർമാരുടെ സമരം ഭാഗികമായി പിൻവലിച്ചു

തിരുവനന്തപുരം: സംസ്ഥാനത്തെ പി. ജി. ഡോക്ടർമാർ നടത്തിവന്ന സമരം ഭാഗികമായി പിൻവലിച്ചു. ഇന്ന് മുതൽ അത്യാഹിത വിഭാഗത്തിലെ ജോലിയിൽ തിരികെ പ്രവേശിക്കും. എന്നാൽ മറ്റു വിഭാഗങ്ങളിലെ ജോലി ബഹിഷ്കരണം തുടരും. സർക്കാരുമായി നടത്തിയ ചർച്ചയിൽ അനുഭാവ പൂർവ്വമായ നിലപാട് സ്വീകരിച്ചതാണ് ഇളവുകൾ നൽകാൻ കാരണമായത്. 

       തങ്ങളുടെ ആവശ്യങ്ങളോട് ആരോഗ്യമന്ത്രി അനുകൂലമായി പ്രതികരിച്ച സാഹചര്യത്തിലാണ് തീരുമാനമെന്ന് കെ. എം. പി. ജി. എ. അറിയിച്ചു.

       അതേസമയം ഹൗസ് സർജൻമാർ സമരത്തിന് പ്രഖ്യാപിച്ചിരുന്ന പിന്തുണ പിൻവലിച്ചു. സർക്കാർ അനുകൂല നിലപാട് സ്വീകരിച്ചിട്ടും സമരം പിൻവലിക്കാത്തതിനാലാണ് പിന്തുണ പിൻവലിച്ചത്.