കുറ്റ്യാടി ചുരത്തിൽ ടെമ്പോ ട്രാവലറിന് തീപിടിച്ചു

കുറ്റ്യാടി: കുറ്റ്യാടി ചുരത്തിൽ ടെമ്പോ ട്രാവലർ കത്തിനശിച്ചു. ചുരത്തിലെ ആറാം വളവിലാണ് അപകടം. കുറ്റ്യാടിയിൽ നിന്നും വയനാട് ഭാഗത്തേക്ക് പോവുകയായിരുന്ന വാഹനത്തിനാണ് തീ പിടിച്ചത്.

         ട്രാവലർ ചൂടായാണ് തീ പിടിച്ചതെന്നാണ് പ്രാഥമിക നിഗമനം. വണ്ടിയിൽ നിന്ന് പുക ഉയരുന്നത് കണ്ട യാത്രക്കാർ പുറത്തിറങ്ങുകയായിരുന്നു. വൻ ദുരന്തമാണ് ഒഴിവായത്.

        അപകടത്തിൽ വണ്ടി പൂർണമായും കത്തിനശിച്ചു. ചേലക്കാട് നിന്നെത്തിയ ഫയർ ഫോഴ്സ് സംഘം സ്ഥലത്തെത്തി തീയണച്ചു.