റേഷൻ പൊ​തു​ വി​ഭാ​ഗ​ത്തി​ന് 10 കി​ലോ അ​രി നല്കും: മന്ത്രി ജി. അനിൽ

തി​രു​വ​ന​ന്ത​പു​രം: വെ​ള്ള റേ​ഷ​ൻ കാ​ർ​ഡിൽ പെടു​ന്ന പൊ​തു​വി​ഭാ​ഗ​ത്തി​ന് 10 കി​ലോ അ​രി വീ​തം വി​ത​ര​ണം ചെ​യ്യു​മെ​ന്ന്​ ഭ​ക്ഷ്യ​മ​ന്ത്രി ജി.​ആ​ര്‍. അ​നി​ല്‍ അ​റി​യി​ച്ചു. റേ​ഷ​ന്‍ക​ട​ക​ള്‍ വ​ഴി​യു​ള്ള പ​ച്ച​രി​വി​ഹി​തം 50 ശ​ത​മാ​ന​മാ​യി ഉ​യ​ര്‍ത്തി. പൊ​തു​ ജ​ന​ങ്ങ​ള്‍ക്ക് താ​ൽ​പ​ര്യ​മു​ള്ള ആ​ന്ധ്ര അ​രി എ​ല്ലാ വി​ഭാ​ഗ​ത്തി​നും ല​ഭ്യ​മാ​ക്കും. അ​രി​ വി​ല പി​ടി​ച്ചു​നി​ര്‍ത്താ​ൻ ഭ​ക്ഷ്യ പൊ​തു​വി​ത​ര​ണ വ​കു​പ്പ് നടപ്പാക്കുന്ന പദ്ധതിയെ കുറിച്ച് വാ​ർ​ത്ത​ സ​മ്മേ​ള​ന​ത്തി​ൽ വിശദീകരിക്കുകയായിരുന്നു മന്ത്രി.

     പ​ച്ച​രി​യും പു​ഴു​ക്ക​ല​രി​യും തു​ല്യ അ​നു​പാ​ത​ത്തി​ൽ ല​ഭ്യ​മാ​ക്കു​ന്ന​തോ​ടെ ക​മ്പോ​ള​ത്തി​ലെ അ​രി​ വി​ല നി​യ​ന്ത്രി​ക്കാ​ൻ ക​ഴി​യു​മെ​ന്നും മ​ന്ത്രി പ​റ​ഞ്ഞു. പ്ര​ഭാ​ത ഭ​ക്ഷ​ണ​ത്തി​ന് ഭൂ​രി​പ​ക്ഷം പേ​രും പ​ച്ച​രിയാ​ണ് ഉ​പ​യോ​ഗി​ക്കു​ന്ന​തെ​ന്ന​തി​നാ​ൽ തീ​രു​മാ​നം കു​ടും​ബ​ങ്ങ​ൾ​ക്ക്​ ആ​ശ്വാ​സമാകും.

     ഈ ​മാ​സം മു​ത​ൽ പ​ച്ച​രി​യും പു​ഴു​ക്ക​ല​രി​യും 50:50 അ​നു​പാ​ത​ത്തി​ൽ ല​ഭ്യ​മാ​ക്കാ​ൻ ഫു​ഡ് കോ​ർ​പ​റേ​ഷ​ൻ ഓ​ഫ് ഇ​ന്ത്യ​യു​മാ​യു​ള്ള ച​ർ​ച്ച​യി​ൽ തീ​രു​മാ​നമായി. എ​ഫ്.​സി.​ഐ​യി​ൽ​നി​ന്ന്​ ലോ​ഡ്​ എ​ടു​ക്കുന്നതിന് മു​മ്പ്​ തന്നെ കൂ​ടു​ത​ൽ പ​രി​ശോ​ധ​ന​യും കൃ​ത്യ​ത​യും ഉ​റ​പ്പാ​ക്കാ​നു​ള്ള ന​ട​പ​ടി​ക്ര​മ​ങ്ങ​ൾ ധാ​ര​ണ​പ​ത്ര​ത്തി​ലുണ്ടെ​ന്നും മ​ന്ത്രി പ​റ​ഞ്ഞു. പൊ​തു​വി​ഭാ​ഗ​ത്തി​ന് ഈ ​മാ​സ​ത്തെ 10 കി​ലോ അ​രി​യി​ൽ ഏ​ഴു​കി​ലോ 10.9 രൂ​പ നി​ര​ക്കി​ലും മൂ​ന്നു കി​ലോ 15 രൂ​പ​യ്ക്കു​മാ​കും ന​ൽ​കു​ക. നീ​ല കാ​ർ​ഡ് ഉ​ട​മ​ക​ൾ​ക്ക് ഈ ​മാ​സം മൂ​ന്നു​കി​ലോ അ​രി 15 രൂ​പ നി​ര​ക്കി​ൽ അ​ധി​ക​മാ​യി ന​ൽ​കുന്നുണ്ട്. എല്ലാ അ​നാ​ഥാ​ല​യ​ങ്ങ​ളി​ലെയും അ​ന്തേ​വാ​സി​ക​ൾ​ക്ക് അ​ഞ്ചു​കി​ലോ അ​രി​ ല​ഭ്യ​മാ​ക്കും. ഇ​തി​ൽ ര​ണ്ടു​കി​ലോ 10.9 രൂ​പ നി​ര​ക്കി​ലും മൂ​ന്നു​കി​ലോ 15 രൂ​പ​യ്ക്കു​മാ​കും ന​ൽ​കു​ക. പൊ​തു​വി​പ​ണി​യി​ൽ 30 രൂ​പ​യ്ക്ക്​ മു​ക​ളി​ൽ വി​ല​യു​ള്ള അ​രി​യാ​ണ് വിത​ര​ണം ചെ​യ്യു​കയെന്നും ഭക്ഷ്യ മന്ത്രി പറഞ്ഞു.