റേഷൻ വിതരണം: ക്രമീകരണങ്ങൾ 25 വരെ തുടരും

തിരുവനന്തപുരം: സംസ്ഥാനത്ത് റേഷൻ വിതരണത്തിൽ ഇപ്പോൾ ഏർപ്പെടുത്തിയിരിക്കുന്ന ക്രമീകരണങ്ങൾ ജനുവരി 25 വരെ തുടരുമെന്ന് ഭക്ഷ്യ-സിവിൽ സപ്ലൈസ് മന്ത്രി ജി. ആർ. അനിൽ. റേഷൻ വിതരണം ഇപ്പോൾ സുഗമമായി നടക്കുന്നതായും മന്ത്രി പറഞ്ഞു. 

      സംസ്ഥാനത്ത് ഈ മാസത്തെ റേഷൻ ജനുവരി 20 വരെ 35,52,551 പേർ കൈപ്പറ്റിയിട്ടുണ്ട്. ഇത് ആകെ ഉപഭോക്താക്കളുടെ 38.59 ശതമാനമാണ്. കഴിഞ്ഞ മാസം 20 വരെ ഇത് 38.30 ശതമാനമായിരുന്നു. റേഷൻ കടകളുടെ പ്രവർത്തന സമയം പകുതി ജില്ലകൾ വീതം രാവിലെയും വൈകിട്ടുമായി ക്രമീകരിച്ചെങ്കിലും റേഷൻ വിതരണത്തെ ഇതു ബാധിച്ചിട്ടില്ലെന്നും മന്ത്രി വ്യക്തമാക്കി.