കോഴിക്കോട്ട് വിവാഹ ദിവസം വധു ജീവനൊടുക്കിയ സംഭവത്തില്‍ തുടർ അന്വേഷണത്തിന് പോലീസ്

കോഴിക്കോട്: കാളാണ്ടിത്താഴത്ത് നവവധു വീട്ടിൽ തൂങ്ങിമരിച്ച സംഭവത്തിൽ അന്വേഷണം ഊർജിതമാക്കി പോലീസ്. വ​ര​നെ ഉ​ള്‍​പ്പെ​ടെ ചോ​ദ്യം ചെ​യ്യാ​നാ​ണ് പോ​ലീ​സ് തീരുമാനം. മരണത്തിൽ അസ്വാഭാവികതയില്ലെന്നും അന്വേഷണം നടന്നു വരികയാണെന്നും ചേവായൂർ പോലീസ് അറിയിച്ചു.

     വിവാഹ തലേന്ന് വരെ പ്രശ്നങ്ങൾ ഉണ്ടായിരുന്നില്ലെന്നാണ് ബന്ധുക്കൾ അറിയിച്ചത്. 'എ​ന്‍റെ കാ​ര്യ​ങ്ങ​ളെ​ല്ലാം അ​വ​ന​റി​യാം. ഒ​പ്പം ജീ​വി​ക്കാ​ന്‍ ക​ഴി​യി​ല്ല' എ​ന്നാ​ണ് ആത്മഹത്യാ കുറിപ്പിൽ എഴുതിയിരിക്കുന്നത്. ഈ സാഹചര്യത്തിലാണ് തുടരന്വേഷണം.

    കാളാണ്ടിത്താഴം നങ്ങോലത്ത് സുരേഷ് ബാബുവിൻ്റെ മകൾ മേഘ(30)യെയാണ് ഞായറാഴ്ച പുലർച്ചെ വീടിനുള്ളിൽ തൂങ്ങിമരിച്ച നിലയിൽ കണ്ടെത്തിയത്.