കാറ്റിലും മഴയിലും രണ്ട് വീടുകൾ തകർന്നു

ഇരിങ്ങണ്ണൂർ: പ്രദേശത്ത് കാറ്റിലും മഴയിലും രണ്ട് വീടുകൾ തകർന്ന് വീണു. എടച്ചേരി ഗ്രാമപഞ്ചായത്തിലെ അഞ്ചാം വാർഡിലെ മഞ്ഞോത്ത് മീത്തൽ ബീനയുടെ വീട് കാറ്റിലും മഴയിലും തകർന്നു വീഴുകയായിരുന്നു.മേൽക്കൂരയുടെ ഓടും മരങ്ങളും എല്ലാം തകർന്ന് അകത്തേക്ക് വീഴുകയായിരുന്നു. അമ്മക്ക് സുഖമില്ലാത്തതിനാൽ ബീനയും മക്കളും കടവത്തൂരിലെ വീട്ടിലായതിനാൽ വൻ ദുരന്തമാണ് ഒഴിവായത്.
  വീട്ടുസാധനങ്ങളടക്കം എല്ലാം നശിച്ച അവസ്ഥയിലാണ് ഏഴാം വാർഡിൽ കച്ചേരി സ്കൂളിനടുത്ത കൂമുള്ളി ജാനുവിന്റെ വീട് ഇന്ന് കാലത്ത് 7 മണിയോടെയാണ് തകർന്ന് വീണത്. ജാനുവും വീട്ടുകാരും ശബ്ദം കേട്ട് വീടിന് പുറത്തേക്ക് ഓടിയതിനാൽ ആളപായം ഒഴിവായി. ഓടിട്ട ഒറ്റ നില വീടാണ് പൂർണ്ണമായി തകർന്ന് വീണത്.