പൂനൂർ പുഴയിൽ ഒഴുക്കിൽപ്പെട്ട് പതിനൊന്നുകാരൻ മരിച്ചു

പൂനൂർ: ഒഴുക്കിൽ പെട്ട പതിനൊന്നുകാരൻ മരിച്ചു. പൂനൂർ ഉമ്മിണികുന്ന് കാക്കാട്ടുമ്മൽ ജലീലിന്റെ മകൻ റയാൻ മുഹമ്മദ് (11) ആണ് മരിച്ചത്. പൂനൂർ ഗാഥാ പബ്ലിക് സ്കൂളിന് സമീപം തട്ടഞ്ചേരിയിൽ ഇന്ന് ഉച്ചയോടെയായിരുന്നു സംഭവം. 

      പൂനൂർ പുഴയിൽ കൂട്ടുകാരനൊപ്പം കുളിക്കാനിറങ്ങിയപ്പോൾ ഒഴുക്കിൽപ്പെടുകയായിരുന്നു. നാട്ടുകാർ നടത്തിയ തിരച്ചിലിലാണ് കുട്ടിയെ കണ്ടെത്തിയത്. ഉടൻ തൊട്ടടുത്ത സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം കോഴിക്കോട് മെഡിക്കൽ കോളേജ് ആശുപത്രിയിലെ മോർച്ചറിയിലേക്ക് മാറ്റി.

      ഹസീനയാണ് മാതാവ്. സഹോദരങ്ങൾ: റാസിൻ അലി, റസ്ബിൻ അലി.