ജമ്മു കാശ്മീരിൽ സൈന്യം ഭീകരനെ വധിച്ചു
ശനിയാഴ്ച അര്‍ധരാത്രിയാണ് സൈനികരും ഭീകരരും ഏറ്റുമുട്ടിയത്
NDR News
31 Jul 2022 11:01 AMകാശ്മീർ: ജമ്മു - കശ്മീരിലെ ബാരാമുള്ളയിലുണ്ടായ ഏറ്റുമുട്ടലില്‍ സൈന്യം ഒരു ഭീകരനെ വധിച്ചു. ബിന്നെല്‍ മേഖലയില്‍ ശനിയാഴ്ച അർധരാത്രിയോടെയാണ് സൈനികരും ഭീകരരും തമ്മില്‍ ഏറ്റുമുട്ടലുണ്ടായത്. ലഷ്‌കര്‍ ഇ ത്വയ്യിബയുടെ പ്രവര്‍ത്തകനായ ബാരാമുള്ള പത്താന്‍ സ്വദേശി ഇര്‍ഷാദ് അഹ്മദ് ഭട്ടാണ് മരിച്ചതെന്ന് സൈനിക വൃത്തങ്ങള്‍ അറിയിച്ചു.
ഈ വര്‍ഷം മെയ് മുതല്‍ ഇര്‍ഷാദ് ലഷ്‌കര്‍ ഇ ത്വയ്യിബയുടെ സജീവ പ്രവര്‍ത്തകനാണെന്ന് ജമ്മു-കശ്മീര്‍ പൊലീസ് വൃത്തങ്ങൾ അറിയിച്ചു. പ്രദേശത്ത് നിന്നും ഒരു തോക്കും 30 ബുള്ളറ്റുകളും കണ്ടെടുത്തു. ഇവിടെ സൈന്യം പരിശോധന വ്യാപകമാക്കിയിട്ടുണ്ട്.
