കോഴിക്കോട് റെയിൽവേ സ്റ്റേഷനിൽ വൻ സ്വർണ്ണ വേട്ട

കോഴിക്കോട്: റെയിൽവേ സ്റ്റേഷനിൽ നിന്നും ഒന്നര കിലോ സ്വർണ്ണവുമായി തമിഴ്നാട് സ്വദേശികൾ പിടിയിൽ. മധുര സ്വദേശികളായ ശ്രീധർ, മഹേന്ദ്ര കുമാർ എന്നിവരിൽ നിന്നാണ് കസ്റ്റംസ് പ്രിവന്റീവ് വിഭാഗം സ്വർണ്ണം പിടികൂടിയത്. വിദേശത്ത് നിന്നുമെത്തിച്ച സ്വർണ്ണം ട്രെയിൻ മാർഗ്ഗം കോയമ്പത്തൂരിലേക്ക് കൊണ്ടു പോകാനായിരുന്നു ഇവരുടെ ശ്രമം.

       അരയിൽ തുണിയിൽ പൊതിഞ്ഞ് കെട്ടി വെച്ച നിലയിലായിരുന്നു സ്വർണക്കട്ടികൾ. കസ്റ്റംസ് പ്രിവന്റീവ് വിഭാഗത്തിന് കിട്ടിയ രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന. കഴിഞ്ഞ നാലു മാസത്തിനിടെ 64 കിലോ സ്വർണ്ണമാണ് കോഴിക്കോട് കസ്റ്റംസ് പ്രിവന്റീവ് വിഭാഗം പിടികൂടിയത്.

       വിമാനത്താവളങ്ങളിൽ വഴി കടത്തുന്ന സ്വർണ്ണ മിശ്രിതം സ്വർണ്ണ കട്ടികളാക്കി ട്രെയിൻ മാർഗം തമിഴ്നാട്ടിലേക്ക് കൊണ്ടു പോകുന്നതായി കസ്റ്റംസ് പ്രിവന്റീവ് വിഭാഗത്തിന് നേരത്തെ വിവരം ലഭിച്ചിരുന്നു. തുടർന്ന് നടത്തിയ പരിശോധനയിലാണ് സ്വർണം പിടികൂടിയത്.