കൂടുതൽ ആശുപത്രികൾക്ക് മാതൃശിശു സൗഹൃദ ആശുപത്രി ഇനിഷ്യേറ്റീവ് സര്‍ട്ടിഫിക്കറ്റ്

തിരുവനന്തപുരം: സംസ്ഥാനത്തെ കൂടുതൽ സർക്കാർ ആശുപത്രികൾക്ക് സംസ്ഥാന മാതൃശിശു സൗഹൃദ ആശുപത്രി ഇനിഷ്യേറ്റീവ് സര്‍ട്ടിഫിക്കറ്റ് ലഭിച്ചതായി മന്ത്രി വീണാ ജോര്‍ജ്. 9 സര്‍ക്കാര്‍ ആശുപത്രികള്‍ക്കാണ് പദവി ലഭിച്ചത്. 

       വയനാട് മാനന്തവാടി ജില്ലാ ആശുപത്രി (97.94), തൈക്കാട് സ്ത്രീകളുടേയും കുട്ടികളുടേയും ആശുപത്രി (97.72), എറണാകുളം ജനറല്‍ ആശുപത്രി (96.57), പത്തനംതിട്ട ജനറല്‍ ആശുപത്രി (96.41), കോഴിക്കോട് സ്ത്രീകളുടേയും കുട്ടികളുടേയും ആശുപത്രി (95.86), നിലമ്പൂര്‍ ജില്ലാ ആശുപത്രി (94.48), തിരുവനന്തപുരം എസ്എടി ആശുപത്രി (സ്‌കോര്‍ 92.36 ശതമാനം), മലപ്പുറം പൊന്നാനി സ്ത്രീകളുടേയും കുട്ടികളുടേയും ആശുപത്രി (90.9), മലപ്പുറം താലൂക്ക് ഹെഡ്ക്വാര്‍ട്ടേഴ്‌സ് ആശുപത്രി (86.18) എന്നീ ആശുപത്രികളാണ് പട്ടികയിൽ ഇടം നേടിയത്. 

       അമ്മയ്ക്കും കുഞ്ഞിനും ഗുണനിലവാരവും സൗഹൃദവുമായ ആരോഗ്യപരിരക്ഷ ഉറപ്പാക്കുന്നതിനും മുലയൂട്ടല്‍ പ്രോത്സാഹിപ്പിക്കുന്നതിനുമായാണ് സ്വകാര്യ ആശുപത്രികള്‍ക്കായി മാതൃശിശു സൗഹൃദ ആശുപത്രി ഇനിഷ്യേറ്റീവ് പദ്ധതി ആരംഭിച്ചത്. പദ്ധതിയുടെ ഭാഗമായി ഇതുവരെ 25 സര്‍ക്കാര്‍, സ്വകാര്യ ആശുപത്രികള്‍ക്കാണ് സര്‍ട്ടിഫിക്കേഷന്‍ നല്‍കിയത്.