പുഴയിൽ കുളിക്കാനിറങ്ങിയ പെൺകുട്ടി മുങ്ങി മരിച്ചു

വയനാട്: ക്രിസ്തുമസ് ആഘോഷത്തിനായി ബന്ധുവീട്ടിലെത്തിയ പെൺകുട്ടി പുഴയിൽ മുങ്ങി മരിച്ചു. തിരുനെല്ലി തൃശിലേരി കൊല്ലമാവുടി അനുപ്രിയ(17) ആണ് മരിച്ചത്. നീലഗിരിയിലെ ബന്ധുവീട്ടിലെത്തിയ പെൺകുട്ടി വീടിനടുത്തുള്ള പുഴയിൽ കുളിക്കാനിറങ്ങിയപ്പോൾ കാലുത്തെറ്റി പുഴയിലേക്ക് വീഴുകയായിരുന്നു. പുഴയിൽ മുട്ടറ്റം വെള്ളം മാത്രമാണുണ്ടായിരുന്നതെങ്കിലും പെൺകുട്ടി ചെളിയിൽ പുതഞ്ഞ് പോവുകയായിരുന്നു. 

       വിവരമറിഞ്ഞ് വീട്ടുകാരെത്തിയാണ് അനുപ്രിയയെ പുറത്തെടുത്തത്. തുടർന്ന് അവശനിലയിലായ പെൺകുട്ടിയെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം മാനന്തവാടി ജില്ലാ ആശുപത്രിയിൽ പോസ്റ്റ്‌മോര്‍ട്ടത്തിന് ശേഷം നാളെ മാനന്തവാടി അമലോത്ഭവ ദേവാലയ സെമിത്തേരിയിൽ സംസ്കരിക്കും. മാതാവ് സിന്ധു. പിതാവ് പ്രജി. സഹോദരൻ ഷെയിൻ ബേസിൽ.