എഴുത്തുകാരനും അധ്യാപകനുമായ ഇബ്രാഹിം ബേവിഞ്ച അന്തരിച്ചു
കേരള സാഹിത്യ അക്കാദമി അംഗം, സമസ്ത കേരള സാഹിത്യ പരിഷത്ത് അംഗം എന്നീ നിലകളില് പ്രവര്ത്തിച്ചുണ്ട്
NDR News
04 Aug 2023 04:26 AMകാസർഗോഡ്: സാഹിത്യകാരനും അധ്യാപകനുമായ ഇബ്രാഹിം ബേവിഞ്ച (69) അന്തരിച്ചു. ദീര്ഘനാളായി അസുഖ ബാധിതനായിരുന്നു . ചികിത്സയിലിരിക്കെയാണ് മരണപ്പെട്ടത് . കാസര്ഗോഡ് ചേര്ക്കളം ബേവിഞ്ച സ്വദേശിയാണ് ഇദ്ദേഹം . കാലിക്കറ്റ് സര്വകലാശാല യു.ജി ബോര്ഡ് ഓഫ് സ്റ്റഡീസിലും പിജി ബോര്ഡ് ഓഫ് സ്റ്റഡീസിലും അംഗമായിരുന്നു ഇബ്രാഹിം ബേവിഞ്ച. സംസ്കാരം പിന്നീട് നടക്കും.
ഉബൈദിന്റെ കവിതാലോകം, മുസ്ലിം സാമൂഹിക ജീവിതം മലയാളത്തില്, ഇസ്ലാമിക സാഹിത്യം മലയാളത്തില്, പക്ഷിപ്പാട്ട് ഒരു പുനര്വായന, പ്രസക്തി, ബഷീര് ദി മുസ്ലിം, നിള തന്ന നാട്ടെഴുത്തുകള് , മൊഗ്രാല് കവികള്, പള്ളിക്കര എംകെ അഹമ്മദിന്റെ മാപ്പിളപ്പാട്ടുകള്, പൊന്കുന്നം സെയ്ദു മുഹമ്മദിന്റെ മാഹമ്മദം എന്നിവയാണ് ഇബ്രാഹിം ബേവിഞ്ചയുടെ പ്രധാന കൃതികള്. കേരള സാഹിത്യ അക്കാദമി അംഗം, സമസ്ത കേരള സാഹിത്യ പരിഷത്ത് അംഗം എന്നീ നിലകളില് പ്രവര്ത്തിച്ചുണ്ട്. .
