നമ്പർ പ്ലേറ്റോ മറ്റ് രേഖകളോ ഇല്ലാതെ സംസ്ഥാനത്ത് എത്തിയ കാറിന് ഒരു ലക്ഷം രൂപ പിഴ വിധിച്ചു

കൊച്ചി: നമ്പർ പ്ലേറ്റോ മറ്റ് രേഖകളോ ഇല്ലാതെ സംസ്ഥാനത്ത് എത്തിയ കാറിന് ഒരു ലക്ഷം രൂപ പിഴ വിധിച്ചു. ഓഗസ്റ്റ് ഒന്നിനായിരുന്നു യാതൊരു രേഖകളും ഇല്ലാതെ മൂന്ന് സംസ്ഥാനങ്ങളിലൂടെ ഫോർട്ട് കൊച്ചിയിൽ എത്തിയ കാർ പൊലീസ് പിടികൂടിയത്. ഈ കാറിനാണ് 1,03,300 രൂപ പിഴ വിധിച്ചത്. കാറോടിച്ച ഉടുപ്പി സ്വദേശി റഹ്മത്തുള്ളയെ പൊലീസ് അറസ്റ്റ് ചെയ്തിരുന്നു. 

     കർണാടകയിൽ നിന്ന് തമിഴ്നാട് വഴിയാണ് കാർ എത്തിയത്.ദേശീയപാതയിലുടനീളം എഐ ക്യാമറകൾ പ്രവർത്തിക്കുമ്പോൾ ചെക്ക് പോസ്റ്റുകൾ അടക്കം കടന്ന് ഈ കാർ എങ്ങനെ കേരളത്തിലെത്തി എന്നത് പൊലീസിനെ അമ്പരപ്പിച്ചിരുന്നു.

     നമ്പർ പ്ലേറ്റോ ഇൻഷുറൻസ് പരിരക്ഷയോ കാറിന് ഇല്ല. ഡ്രൈവറോടൊപ്പം വാഹനത്തിലുണ്ടായിരുന്ന മറ്റ് രണ്ട് പേരെയും പൊലീസ് അറസ്റ്റ് ചെയ്തെങ്കിലും അന്ന് വൈകുന്നേരത്തോടെ ഇവർക്ക് ജാമ്യം നൽകിയിരുന്നു.