കൊടുവള്ളി, കിഴക്കോത്ത് യുവാവിന് വെട്ടേറ്റു

കൊടുവള്ളി: കൊടുവള്ളി കിഴക്കോത്ത് തട്ടിക്കൊണ്ടു പോകൽ കേസിലെ പ്രതിക്ക് വെട്ടേറ്റു. പരപ്പൻ പൊയിൽ ഷാഫിയെ തട്ടിക്കൊണ്ടു പോയ കേസിലെ മുഖ്യപ്രതി കിഴക്കോത്ത് സ്വദേശി സാലിക്കാണ് വെട്ടേറ്റത്. ഇന്നലെ രാത്രി ഒന്നരയോടെയാണ് 10 അംഗ സംഘം ആക്രമിച്ചത് എന്നാണ് പ്രാഥമിക വിവരം. ശരീരത്തിൽ ആയത്തിലുള്ള മുറിവുകൾ ഉണ്ടെന്നാണ് റിപ്പോർട്ട്. 

     വെട്ടേറ്റ സാലിയെ അതിഥി തൊഴിലാളികൾ ആദ്യം കൊടുവള്ളിയിലെ സ്വകാര്യ ആശുപത്രിയിലും, തുടർന്ന് മെഡിക്കൽ കോളേജ് ആശുപത്രിയിലും എത്തിച്ചു. തുടർന്ന് അവിടെ നിന്നും കോഴിക്കോട്ടെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്. ആക്രമണം നടന്ന ഈസ്റ്റ് കിഴക്കോത്ത് മേഖലയിൽ താമരശ്ശേരി ഡിവൈഎസ്പി, കൊടുവള്ളി സിഐ എന്നിവരുടെ നേതൃത്വത്തിൽ പോലീസ് പരിശോധന നടത്തി.