കൊല്ലത്ത് നായയെ കണ്ട് ഭയന്നോടിയ 7 വയസുകാരന് കനാലിൽ വീണ് മരിച്ചു

കൊല്ലം: നായയെ കണ്ട് ഭയന്നോടിയ 7 വയസുകാരൻ കനാലിൽ വീണ് മരിച്ചു സദാനന്ദപുരം നിരപ്പുവിള സ്വദേശി യാദവ് കൃഷ്ണനാണ് മരിച്ചത്. നായ ഓടിച്ചതിന് ശേഷം ഭയന്നോടിയ യാദവ് കാൽ വഴുതി കനലിൽ വീഴുകയായിരുന്നു. അച്ഛൻ്റെ സഹോദരി പുത്രിയോടൊപ്പം മുറ്റത്ത് കളിച്ചു കൊണ്ടിരിക്കുകയായിരുന്നു യാദവ്. സഹോദരിയെ അടുത്തുള്ള വീട്ടിലേക്ക് കൊണ്ടാക്കുന്നതിന് മുത്തശ്ശി പുറത്തേക്കിറങ്ങിയപ്പോൾ കൂടെ പോകാൻ ശ്രമിക്കുന്നതിന് ഇടയിലാണ് നായ ഓടിച്ചത്.

       വീട്ടിൽ പുറത്തിറങ്ങിയ യാദവിനെ സമീപത്തുണ്ടായിരുന്ന നായ ഓടിക്കുകയായിരുന്നു. പേടിച്ചോടിയ കുട്ടി സമീപത്തെ കനാലിൽ കാൽ വഴുതി വീഴുകയായിരുന്നു. അപകടം നടന്ന ഉടനെ നാട്ടുകാരും ഫയർ ഫോഴ്സും ചേർന്ന് കുട്ടിയെ രക്ഷിച്ച് കൊട്ടാരക്കര താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കുട്ടിയെ രക്ഷിക്കുമ്പോൾ ജീവനു ണ്ടായിരുന്നെങ്കിലും പിന്നീട് മരണം സ്ഥിരീകരിക്കുകയുമായിരുന്നു. കുട്ടിയുടെ മൃതദേഹം കൊട്ടാരക്കര താലൂക്ക് ആശുപത്രിയിൽ സൂക്ഷിച്ചിരിക്കുകയാണ്.