തൃശൂരിൽ ട്രെയിൻ അട്ടിമറി ശ്രമം; റയിൽവേ ട്രാക്കിൽ ഇരുമ്പ് തൂൺ കയറ്റിവച്ചു

  തൃശ്ശൂർ :തൃശൂരിൽ ട്രെയിൻ അട്ടിമറി ശ്രമം നടന്നു . റയിൽവേ ട്രാക്കിൽ ഇരുമ്പ് തൂൺ കയറ്റിവച്ചാണ് ട്രെയിൻ അട്ടിമറിക്കാൻ ശ്രമം നടത്തിയത്. തൃശൂർ റെയിൽവേ സ്റ്റേഷനിൽ നിന്ന് 100 മീറ്റർ മാത്രം അകലെയാണ് ട്രാക്കിൽ ഇരുമ്പ് തൂൺ കയറ്റിവെച്ചിരുന്നത്. ഇന്ന് പുലർച്ചെ 4.55 നാണ് സംഭവം.

   ഇതുവഴി കടന്നുപോയ ഗുഡ്‌സ് ട്രെയിൻ ഈ ഇരുമ്പ് തൂൺ തട്ടിത്തെറിപ്പിച്ചു.ഗുഡ്‌സ് ട്രെയിനിൻ്റെ പൈലറ്റാണ് സംഭവം റെയിൽവേ സ്റ്റേഷനിൽ വിളിച്ചു പറഞ്ഞത്.

    തൃശൂർ എറണാകുളം ഡൗൺലൈൻ പാതയിലാണ് റാഡ് കയറ്റി വെക്കാൻ ശ്രമം നടന്നത്. ആർപിഎഫ് ആർപിഎഫ് ഇന്റലിജൻസ് സ്ഥലത്തെത്തി പരിശോധന നടത്തി.