പട്ടാപ്പകൽ വീട്ടുമുറ്റത്ത് നിന്ന് കുരുമുളക് മോഷണം പോയി

ഓമശ്ശേരി : പെരുവല്ലി അങ്ങാടിക്ക് സമീപത്ത് പട്ടാപ്പകൽ കുരുമുളക് മോഷ്ടിച്ചു. വീട്ടുമുറ്റത്ത് ഉണക്കാനിട്ടിരിക്കുന്ന കുരുമുളക് യുവാവിനൊപ്പം ബൈക്കിലെത്തിയ സ്ത്രീ ചാക്കിലാക്കി കൊണ്ടുപോയി.

     ഇതിന്റെ സിസിടിവി ദൃശ്യങ്ങൾ പുറത്ത് വന്നു. നെല്ലിക്കൽ സ്‌കറിയ എന്നയാളുടെ വീടുമുറ്റത്ത് നിന്നും ഇന്നലെ ഉച്ചക്ക് രണ്ട് മണിക്കാണ് കുരുമുളക് മോഷണം പോയത്. കോടഞ്ചേരി പൊലീസിൽ പരാതി നൽകിയിട്ടുണ്ടെന്ന് വീട്ടുകാർ അറിയിച്ചു.