പേരാമ്പ്രയിൽ ബസ് ഇടിച്ച് വയോധികന് പരിക്ക്

പേരാമ്പ്ര: പേരാമ്പ്ര ബസ് സ്റ്റാൻഡിൽ വയോധികനെ ബസ് ഇടിച്ചു. ഇന്ന് രാവിലെ 8.45 ഓടെയാണ് സംഭവം. കൂരാച്ചുണ്ടിലെ ആധാരം എഴുത്തുകാരൻ എരവട്ടൂർ കരുവാരക്കുന്നത് ഗോപാലൻ നായരെയാണ് ബസ് ഇടിച്ചത്.

       ഇടിയുടെ ആഘാതത്തിൽ റോഡിൽ വീണ ഗോപാലൻ നായർക്ക് പരിക്കേറ്റു. കായണ്ണ ഭാഗത്തുനിന്നും വരികയായിരുന്ന ഹെവൻ എന്ന ബസ്സാണ് തട്ടിയത്. സംഭവം നടന്ന ഉടനെ നാട്ടുകാരും ബസ് ജീവനക്കാരും ഓടിക്കൂടി പരിക്കേറ്റയാളെ പേരാമ്പ്ര താലൂക്ക് ആശുപത്രിയിൽ എത്തിച്ചു.