ബാലികയെ അച്ഛൻ ബീവറേജസ് ക്യൂവിൽ മദ്യം വാങ്ങാൻ നിർത്തിച്ചു

പാലക്കാട്: പട്ടാമ്പിയിൽ ബെവ്കോ ഔട്ട്ലെറ്റിൽ മദ്യം വാങ്ങാനായി അച്ഛൻ പ്രായപൂർത്തിയാകാത്ത പെൺകുട്ടിയെ വരിയിൽ നിർത്തി. തുടർന്ന് പിതാവിനെ സ്റ്റേഷനിലേക്ക് വിളിപ്പിച്ചു. ഇന്നലെ രാത്രി എട്ട് മണിക്ക് വിദ്യാർത്ഥിയെ പട്ടാമ്പി തൃത്താല കരിമ്പിനക്കടവ് ബിവറേജ് ഇൽറ്റ് പ്രീമിയം കൌണ്ടറിലാണ് അച്ഛൻ തന്നെ ക്യൂ നിർത്തിയത്. സംഭവത്തെ തുടർന്ന് ഇന്ന് പൊലീസ് സ്റ്റേഷനിൽ ഹാജരാകണമെന്ന് പിതാവിനോട്  ആവശ്യപ്പെട്ടിരിക്കുകയാണ്. 

      താൻ ഏറെ നാൾ വിദേശത്ത് ആയിരുന്നുവെന്നും വിഷു പ്രമാണിച്ചാണ് വീട്ടിലെത്തിയതെന്നും ഇയാൾ പറയുന്നു. ഇന്നലെ പുറത്തേക്ക് സാധനങ്ങൾ വാങ്ങാൻ ഇറങ്ങിയപ്പോൾ കുട്ടി കൂടെ വന്നതാണ്. ഇതിനിടയിലാണ് ബിവറേജിൽ കയറിയത്. കുട്ടി ഒറ്റക്കാകുമെന്ന് കരുതിയാണ് കൂടെ കൂട്ടിയതെന്ന് ഇയാൾ പൊലീസിനോട് വിശദീകരിച്ചു. ക്യൂവിൽ ഉണ്ടായിരുന്നവർ പ്രശ്‌നമുണ്ടാക്കിയിട്ടും കുട്ടിയെ ക്യൂവിൽ നിന്ന് മാറ്റാൻ തയ്യാറായില്ലത്രേ. ക്യൂവിൽ ഉണ്ടായിരുന്ന മാറ്റൊരാൾ എടുത്തിരുന്ന ദൃശ്യങ്ങളാണ് പുറത്തുവന്നത്. ഈ ദൃശ്യങ്ങളുടെ അടിസ്ഥാനത്തിൽ പൊലീസ് അന്വേഷണം നടത്തി വരികയായിരുന്നു.