പത്തനംതിട്ടയിൽ മകളെ പീഡിപ്പിച്ച ഗർഭിണിയാക്കിയ പിതാവ് അറസ്റ്റിൽ

പത്തനംതിട്ട: പത്തനംതിട്ടയിൽ വിദ്യാർത്ഥി ഗർഭിണിയായ സംഭവത്തിൽ പിതാവ് അറസ്റ്റിൽ. പത്തനംതിട്ട റാന്നിയിൽ സംഭവം. കട്ടപ്പന സ്വദേശിയായ 43 കാരനാണ് പിടിയിലായത്. ഗർഭം സ്ഥിരീകരിച്ചതിനെ തുടർന്ന് ലാബ് അധികൃത പോലീസിൽ വിവരം അറിയിക്കുകയായിരുന്നു. ഏഴ് ആഴ്‌ച ഗർഭിണിയാണ് എട്ടാം ക്ലാസുകാരി. വയറ് വേദനയെ തുടർന്ന് റാന്നിയിലെ സ്വകാര്യ ആശുപത്രിയിൽ ചികിത്സ തേടിയ കുട്ടി ഗർഭിണിയാണെന്ന് കണ്ടെത്തിയതോടെ വിവരം പൊലീസിനെ അറിയിക്കുകയായിരുന്നു. 

     സ്റ്റേഷനിൽ വിവരം കിട്ടിയതിന് പിന്നാലെ കുട്ടിയുടെ പിതാവിനെ പൊലീസ് കസ്റ്റഡിയിലെടുത്തു. ഇയാളെ ചോദ്യം ചെയ്ത് വരുകയാണ്. കുട്ടിക്ക് കൗൺസലിംഗ് നൽകുമെന്ന് പൊലീസ് അറിയിച്ചു. ലാബ് അധികൃതർ വിവരം അറിയിച്ചതിന് പിന്നാലെ തന്നെ റാന്നി ഡിവൈഎസ്‌പി അടക്കമുള്ളവർ ഇടപെട്ട് നടപടികൾ വേഗത്തിലാക്കുകയായിരുന്നു.