വള്ളങ്ങൾ കൂട്ടിയിടിച്ച് മത്സ്യതൊഴിലാളി മരിച്ചു

   പരപ്പനങ്ങാടി: വള്ളങ്ങൾ കൂട്ടിയിടിച്ച് മത്സ്യതൊഴിലാളിയായ യുവാവ് മരിച്ചു. പരപ്പനങ്ങാടി തീരത്ത് വെച്ചുണ്ടായ അപകടത്തിൽ വള്ളിക്കുന്ന് ആനങ്ങാടി തലക്കകത്ത് വീട്ടിൽ നവാസ് (40) ആണ് മരിച്ചത്.

   മത്സ്യബന്ധനത്തിനായി പോയ പരപ്പനങ്ങാടി ഇത്തിഹാദി വള്ളവും ആനങ്ങാടി റുബിയാൻ വള്ളവും കൂട്ടിയിടിച്ചാണ് അപകടം. വ്യാഴാഴ്ച പുലർച്ച 5 മണിയോടെയാണ് നവാസ് മത്സ്യബന്ധനത്തിന് പോയത്. പരിക്കേറ്റ മറ്റ് രണ്ട് മത്സ്യതൊഴിലാളികളെ ആശുപത്രിയിൽ പ്രവേശിപ്പിച്ചിട്ടുണ്ട്.