കൂത്താളിയിൽ ഇന്ന് പുലർച്ചെയുണ്ടായ ശക്തമായ ചുഴലിക്കാറ്റിൽ വൻനാശനഷ്‌ടം

കൂത്താളി: ഇന്ന് പുലർച്ചെ നാലുമണിയോടെ കൂത്താളിയിൽ ഉണ്ടായ ശക്തമായ ചുഴലിക്കാറ്റിൽ വൻനാശനഷ്‌ടം. കൂത്താളി സ്കൂളിന്റെ ശൗചാലയത്തിൻ്റെ ഷീറ്റ് മുഴുവനായും പറന്ന് തൊട്ടടുത്ത വീടിന്റെ മുറ്റത്ത് ചെന്ന് പതിച്ചു. ഏകദേശം 18 മീറ്ററോളം നീളമുള്ള ഷീറ്റാണ് വൈദ്യുത ലൈനിൽ തട്ടി പോസ്റ്റ് അടക്കം മറിഞ്ഞു കിടക്കുന്നത്. 

     പുലർച്ചെയായതിനാൽ വൻ അപകടം ഒഴിവായി. കൂത്താളി പ്രദേശത്ത് വലിയ നാശനഷ്ടമാണ് ഉണ്ടായിരിക്കുന്നത്. നിരവധി മരങ്ങൾ മറിഞ്ഞുവീഴുകയും വൈദ്യുത ലൈനുകൾ പൊട്ടുകയും ചെയ്തു. പോസ്റ്റുകൾ ചെരിഞ്ഞു വീഴാറായ അവസ്ഥയിലാണ്. കൂത്താളി പ്രദേശത്ത് ഇപ്പോൾ വൈദ്യുതി നിലച്ചിരിക്കുകയാണ്. വിവരം അറിയിച്ചതിനെ തുടർന്ന് കെഎസ്‌ഇബി, ഫയർഫോഴ്സ് ജീവനക്കാർ സ്ഥലത്തെത്തി.