വാഹനങ്ങൾ ഉരസിയതിനെ ചൊല്ലി നടുറോഡിൽ കൂട്ടത്തല്ല്

കോഴിക്കോട്: നാദാപുരം തൂണേരിയിൽ വാഹനങ്ങൾ ഉരസിയതിനെ ചൊല്ലി നടു റോഡിൽ കൂട്ടത്തല്ല്. രണ്ടു കാറുകൾ തമ്മിൽ ഉരസിയത് ചോദ്യം ചെയ്ത‌താണ് സംഘർഷങ്ങൾക്ക് കാരണമായത്. സ്ഥലത്തെത്തിയ പൊലീസ് ലാത്തി വീശി.

     ഞായറാഴ്ച രാത്രി തൂണേരി ദേശീയപാതയിലാണ് സംഭവം. റോഡരികിൽ വാഹനങ്ങൾ നിർത്തിയിടുന്നത് ഇവിടെ സ്ഥിരം സംഭവമാണെന്ന് പൊലീസ് പറയുന്നു. ഇതേ ചൊല്ലിയുണ്ടായ സംഘർഷം റോഡിലേക്ക് കൂടി നീളുകയും അവിടെ കൂടിനിന്നവരെല്ലാം കൂട്ടത്തിൽ ഉൾപ്പെടുകയും ചെയ്തു എന്നാണ് പൊലീസ് പറയുന്നത്. സംഭവത്തിൽ പൊലീസ് കേസെടുത്തിട്ടുണ്ട്.