കോഴിക്കോട്ടെ ക്ഷേത്രക്കുളത്തിൽ കുളിക്കാനിറങ്ങിയ യുവാവ് മുങ്ങി മരിച്ചു

കോഴിക്കോട്: ക്ഷേത്രക്കുളത്തിൽ കുളിക്കാനിറങ്ങിയ യുവാവ് മുങ്ങി മരിച്ചു. മാറാട് പൊന്നത്ത് ഹൗസിൽ സൻജയ് രാജ് (24) ആണ് മരിച്ചത്. മീഞ്ചന്ത അരിക്കാട് ഉറവൻകുളം ക്ഷേത്രകുളത്തിലാണ് അപകടം നടന്നത്. സഹോദരനും കൂട്ടുകാർക്കുമൊപ്പം കുളത്തിൽ കുളിക്കാനിറങ്ങിയതായിരുന്നു. കുളത്തിൽ മൂന്ന് മീറ്ററോളം ആഴത്തിൽ മുങ്ങിത്താഴ്ന്ന യുവാവിനെ മീഞ്ചന്ത അഗ്നിരക്ഷാ നിലയത്തിലെ സ്‌കൂബ ഡൈവിങ് യൂണിറ്റ് അംഗങ്ങൾ മുങ്ങിയെടുത്ത് ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല.

        കോഴിക്കോട് കോർപ്പറേഷൻ മുൻ കൗൺസിലർ ദേവരാജൻ്റെയും ആശാ വർക്കേഴ്സ് യൂണിയൻ(സിഐടിയു) ബേപ്പൂർ വില്ലേജ് സെക്രട്ടറി ഷൈജയുടെയും മകനാണ് മരിച്ച സൻജയ് രാജ്. സഹോദരൻ: ശ്രീനിൽ രാജ്.