വയനാട് പോകുന്നവർ ശ്രദ്ധിക്കുക, ചുരത്തിൽ ഇന്ന് രാവിലെ 9 മണി മുതൽ ഗതാഗതം തടസ്സപ്പെട്ടേക്കും

താമരശ്ശേരി : താമരശ്ശേരി ചുരത്തിൽ ഇന്ന് ഗതാഗത തടസ്സം ഉണ്ടാവാൻ സാധ്യത. യാത്രക്കാർക്കും വാഹനങ്ങൾക്കും അപകട ഭീഷണിയായി നിൽക്കുന്ന വൻമരം മുറിച്ചുമാറ്റുന്നതിനാൽ ഗതാഗതം തടസ്സപ്പെടും താമരശ്ശേരി ചുരം ഒൻപതാം വളവിന് താഴെ നിലം പൊത്താറായ മരമാണ് ഇന്ന് (ചൊവ്വ ) രാവിലെ 9 മണിയോടെ മുറിച്ചു മാറ്റുന്നത്.

     ഇതിൻ്റെ ഭാഗമായി രണ്ടു മുതൽ മൂന്ന് മണിക്കൂർ വരെ ചുരത്തിൽ ഗതാഗതം തടസ്സപ്പെടാൻ സാധ്യതയുണ്ട്. യാത്രക്കാർ ഇതു കണക്കാക്കി തങ്ങളുടെ അത്യാവശ്യ യാത്രാ സമയം ക്രമീകരിക്കണം.മരം മുറിച്ചുമാറ്റുന്നതു വരെ നിലവിലെ നിയന്ത്രണം തുടരുമെന്നാണ്  ബന്ധപ്പെട്ടവർ അറിയിച്ചത്.