പിതാവിന്റെ കൈയിൽ നിന്ന് താഴേക്കുവീണ നാലുവയസുകാരന് ദാരുണാന്ത്യം

തിരുവനന്തപുരം: പാറശാല പരശുവയ്ക്കലിൽ പിതാവിന്റെ കൈയിൽ നിന്ന് താഴേക്കു വീണ നാലുവയസുകാരന് ദാരുണാന്ത്യം. പരശുവയ്ക്കൽ പനയറക്കൽ സ്വദേശികളായ രജിൻ - ധന്യാ ദമ്പതികളുടെ ഏക മകനായ ഇമാനാണ് മരിച്ചത്. തലയ്‌ക്കേറ്റ ഗുരുതര പരുക്കിനെ തുടർന്നാണ് കുട്ടി മരിച്ചതെന്ന് ഡോക്ടേഴ്സ് അറിയിച്ചു. കഴിഞ്ഞ ദിവസമാണ് ദാരുണമായ സംഭവമുണ്ടായത്. 

     നഴ്‌സറിയിലേക്ക് കൊണ്ടു പോകാനായി കുട്ടിയെ എടുത്തു കൊണ്ട് നടക്കുന്നതിനിടെ കുട്ടിയുടെ കളിപ്പാട്ടത്തിൽ ചവിട്ടി പിതാവ് കാൽ |വഴുതി വീഴുകയായിരുന്നു. കുട്ടി ഇയാളുടെ കൈയിൽ നിന്ന് താഴേക്ക് തെറിച്ചുവീണു. തലയടിച്ചാണ് കുട്ടി വീണത്. കുട്ടിയെ ഉടൻ തന്നെ എസ്എടി ആശുപത്രിയിൽ എത്തിച്ചു. ശസ്ത്രക്രിയയും മണിക്കൂറുകൾ നീണ്ട ചികിത്സയും നൽകിയെങ്കിലും കുഞ്ഞിനെ രക്ഷിക്കാനായില്ല. ഇന്നലെ വൈകുന്നേരത്തോടെ കുഞ്ഞിന്റെ മരണം സ്ഥിരീകരിക്കുകയായിരുന്നു.