കൊയിലാണ്ടി പാലക്കുളത്ത് ഇന്ന് വൈകിട്ട് കാറുകൾ കൂട്ടിയിടിച്ച് അപകടം

കൊയിലാണ്ടി: കൊയിലാണ്ടി പാലക്കുളത്ത് കാറുകൾ കൂട്ടിയിടിച്ചുണ്ടായ അപകടത്തിൽ പരിക്കേറ്റത് കോഴിക്കോട് സ്വദേശികൾക്ക്. പയ്യാനക്കലിലെ പ്രഭാസ് (39), പാലാഴിയിലെ അവിനാശ് (24), കുണ്ടായിത്തോട് സ്വദേശികളായ ബബീഷ് (27), അഭിനവ് (24) എന്നിവർക്കാണ് പരിക്കേറ്റത്. കൊട്ടിയൂർ തീർത്ഥാടനത്തിന് പോയി മടങ്ങി വരികയായിരുന്നു സംഘം.

      ഇന്ന് 4.30 ഓടെ പാലക്കുളം പള്ളിക്ക് മുൻവശമാണ് അപകടം നടന്നത്. മറ്റൊരു വാഹനത്തെ മറികടക്കുന്നതിനിടെയാണ് കാറുകൾ കൂട്ടിയിടിച്ചത്. കെ എൽ 58 എച്ച് 9412, കെഎൽ 56 വൈ 5511 നമ്പറുകളിലുള്ള കാറുകളാണ് അപകടത്തിൽപ്പെട്ടത്. പരിക്കേറ്റവരെ താലൂക്ക് ആശുപത്രിയിൽ പ്രവേശിപ്പിച്ചു.