9 വയസ്സുകാരിയെ പീഡിപ്പിച്ച കേസിൽ പ്രതിക്ക് 20 വർഷം കഠിനതടവ്

കോഴിക്കോട്: ഒൻപത് വയസ്സുകാരനായ കുട്ടിയെ ലൈംഗികമായി പീഡിപ്പിച്ച കേസിൽ പ്രതിക്ക് ശിക്ഷ വിധിച്ച് കോടതി. തിരുവനന്തപുരം നെയ്യാറ്റിൻകര സ്വദേശി പുരയിടം വീട്ടിൽ ബിനോയി(26)യെയാണ് 20 വർഷം കഠിന തടവിനും 41,000 രൂപ പിഴയൊടുക്കാനും കോടതി വിധിച്ചത്. കൊയിലാണ്ടി ഫാസ്റ്റ്ട്രാക്ക് സ്പെഷ്യൽ കോടതി ജഡ്‌ജ് കെ. നൗഷാദലിയുടേതാണ് വിധി. 2022ൽ മൂടാടി മുത്തായം ബീച്ചിലാണ് സംഭവം നടന്നത്. മീൻപിടിക്കാൻ എത്തിയ ബിനോയ് ബീച്ചിൽ കളിച്ചു കൊണ്ടിരിക്കുകയായിരുന്ന കുട്ടിയെ താൻ താമസിക്കുന്ന ഷെഡ്ഡിലേക്ക് കൊണ്ടുപോകുകയും ലൈംഗികമായി പീഡിപ്പിക്കുകയുമായിരുന്നു.

     കുട്ടി രക്ഷിതാക്കളോട് വിവരം പറയുകയും പിന്നീട് പോലീസ് കേസ് രജിസ്റ്റർ ചെയ്യുകയും ചെയ്തു. കൊയിലാണ്ടി പൊലീസ് ഇൻസ്പെക്ടർ എൻ സുനിൽ കുമാറാണ് അന്വേഷണം നടത്തിയത്. പ്രോസിക്യൂഷന് വേണ്ടി അഡ്വ. പി ജെതിൻ ഹാജരായി.