കൂത്താളി മൂരികുത്തിയിൽ സ്റ്റേഷനറി കടയ്ക്ക് തീ പിടിച്ചു
സ്റ്റേഷനറിക്കട ഇന്നലെ രാത്രി 10 മണിയോടെയാണ് കത്തി നശിച്ചത്

പേരാമ്പ്ര: കൂത്താളിക്കടുത്ത് മൂരി കുത്തിയിലെ സ്റ്റേഷനറി കടയിൽ തീപ്പിടുത്തം. മൂരികുത്തി കല്ലൂർ റോഡിലെ പി. എം കുഞ്ഞിഹസ്സന്റെ ഉടമസ്തയിലുള്ള സ്റ്റേഷനറിക്കടയാണ് ഇന്നലെ രാത്രി കത്തി നശിച്ചത്. ഇന്നലെ രാത്രി 10 മണിയോടെ കട അടച്ചു പോയശേഷം രാവിലെ 5 മണിയോടെ കട തുറക്കാൻ ഉടമ എത്തിയപ്പോഴാണ് കടക്കുള്ളിൽ നിന്നും പുക ഉയരുന്നത് കണ്ടത്.
ഉടൻ തന്നെ ഓടിക്കൂടിയ നാട്ടുകാരും പേരാമ്പ്ര ഫയർ ഫോഴ്സും എത്തി തീയണക്കുകയായിരുന്നു. കടക്കുള്ളിലെ സാധനങ്ങൾ പൂർണമായും കത്തി നശിച്ചു.പേരാമ്പ്ര പോലീസും സ്ഥലത്തെത്തിയിരുന്നു.