കോക്കല്ലൂരില്‍ ബൈക്ക് കണ്ടെയ്നർ ലോറിയിൽ ഇടിച്ച് അത്തോളി സ്വദേശിക്ക് ഗുരുതര പരിക്ക്

ബാലുശ്ശേരി: കോക്കല്ലൂരിൽ ഇന്ന് രാവിലെ ബൈക്ക് കണ്ടെയ്നർ ലോറിയിൽ ഇടിച്ച് അത്തോളി സ്വദേശിക്ക് ഗുരുതരമായി പരിക്കേറ്റു. ഇന്ന് രാവിലെ 9 മണിക്കാണ് സംഭവം. അപകടത്തില്‍ അത്തോളി സ്വദേശി രാജീവന് ഗുരുതര പരിക്കേറ്റു.  ഉള്ളിയേരി ഭാഗത്തേക്ക് വരികയായിരുന്നു കണ്ടെയിനര്‍ ലോറി. 

   ഇടിയുടെ ആഘാതത്തില്‍ ബൈക്ക് യാത്രികൻ റോഡിലേക്ക് തെറിച്ചു വീഴുകയായിരുന്നു. ഓടിക്കൂടിയ നാട്ടുകാരാണ് ആദ്യം രക്ഷാ പ്രവര്‍ത്തനം നടത്തിയത്. സ്ഥലത്ത് ഹൈവെ പോലിസും, ബാലുശ്ശേരി പോലീസും എത്തി. പരിക്കുപറ്റിയ ആളെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.