കുട്ടികളെ കയറ്റാതെ മുൻപോട്ടെടുത്ത സ്വകാര്യ ബസ് റോഡിന് കുറുകെ കിടന്നു തടഞ്ഞുനിർത്തി ഹോം ഗാർഡ്

കോഴിക്കോട്: വിദ്യാർഥികൾ കയറ്യം മുമ്പ് മുന്നോട്ടെടുത്ത ബസ് റോഡിൽ കിടന്ന് തടഞ്ഞ് ഹോം ഗാർഡ്, വിദ്യാർത്ഥികളെ കയറ്റിയ ശേഷം പോയാൽ മതിയെന്ന്   ആവശ്യപ്പെട്ടായിരുന്നു ഹോം ഗാർഡ് നാഗരാജന്റെ പ്രതിഷേധം. കുന്ദമംഗലം കാരന്തൂർ മർക്കസ് സ്റ്റോപ്പിലാണ് ബസ് തടഞ്ഞത്. ഹോം ഗാർഡിൻറെ നടപടിയെ കയ്യടിച്ചാണ് വിദ്യാർത്ഥികൾ സ്വീകരിച്ചത്.

    മുൻ സൈനികനായ നാഗരാജനാണ് ബസിനു മുന്നിൽ കിടന്ന് പ്രതിഷേധിച്ചത്. നെഞ്ചിലൂടെ കയറ്റിയിട്ടു വേണം പോകാൻ എന്ന് ബസ് ഡ്രൈവറോട് ഹോം ഗാർഡ് പറയുന്നതിന്റെ ദൃശ്യങ്ങൾ പുറത്തുവന്നു. പത്ത് കുഞ്ഞുങ്ങളെയെങ്കിലും ബസിൽ കയറ്റണമെന്ന് ആവശ്യപ്പെട്ടെങ്കിലും അവർ അതിന് തയ്യാറാകാതെ വാഹനം മുന്നോട്ട് കൊണ്ടു പോകുകയായിരുന്നു. കുട്ടികളെ ബസിൽ കയറ്റാതിരുന്നതിനാൽ ഇങ്ങനെ ചെയ്‌തതെന്ന് നാഗരാജൻ പറഞ്ഞു.