നാദാപുരത്ത് പിഞ്ച് കുഞ്ഞിന്റെ സ്വർണ്ണാഭരണം കവർന്ന തമിഴ് നാടോടി യുവതി അറസ്റ്റിൽ

വടകര :നാദാപുരത്ത് മാതാവിനൊപ്പം എത്തിയ പിഞ്ച് കുഞ്ഞിന്റെ സ്വർണ്ണാഭരണം കവർന്ന തമിഴ് നാടോടി യുവതി അറസ്റ്റിൽ. പാലക്കാട് പുതിയ പുറമ്പോക്കിലെ താമസക്കാരി മഞ്ജുവിനെയാണ് നാദാപുരം പൊലീസ് അറസ്റ്റ് ചെയ്തത്. വടകരയിൽ ബസ് യാത്രക്കാരിയുടെ മൂന്നര പവൻ കവരാൻ ശ്രമിക്കുന്നതിനിടെ പിടിക്കപ്പെട്ടത്.

      പ്രതിയെ കോടതി റിമാൻഡ് ചെയ്ത് കണ്ണൂർ വനിതാ ജയിലിലേക്ക് അയക്കുകയായിരുന്നു. സി ടി വി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിൽ നാദാപുരത്ത് മോഷണം നടത്തിയത് മഞ്ജുവാണെന്ന് കണ്ടെത്തി. പ്രതിയെ അടുത്ത ദിവസം തന്നെ കസ്റ്റഡിയിൽ നിന്ന് വാങ്ങി തെളിവെടുപ്പ് നടത്തുമെന്ന് പൊലീസ് അറിയിച്ചു. വടകര പോലീസ് സ്റ്റേഷനിൽ രണ്ട് കേസുകളുണ്ടെന്ന് പോലീസ് അറിയിച്ചു.